Burela, 6 de abril de 2022. O Concello de Burela entregou mediante un sorteo as 42 parcelas dos hortos urbanos situados na avenida Arcadio Pardiñas. A sesión de plenos do consistorio acolleu esta distribución entre os solicitantes despois dunha formación sobre técnicas de cultivo impartida polo técnico agrícola Julio Franco, do equipo de agrotecnia xestora das hortas da Deputación de Lugo.
O alcalde, Alfredo Llano, recibiu aos asistentes proxectando as imaxes do solar e dando indicacións sobre “o inicio deste proxecto que pretende espertar a necesidade de volver a cultivar as hortas propias e de recuperar a actividade agroalimentaria”. Ademais incidiu na importancia de “promover desde as institucións unha alimentación sana, así como recuperar os valores de comunidade e de convivencia nun mesmo espazo e cunha actividade común e beneficiosa para todos”.
O rexedor trasladou o apoio ás persoas que decidiron formar parte da iniciativa, agradecendo “a súa motivación” e agardando que se vaian “vendo pouco a pouco os resultados e que os podamos celebrar cunha festiña da horta na que cada un poda levar o froito do seu traballo”. Aseverou que a intención é botar a andar esta iniciativa “procurando que sexa exemplar, ecolóxica e contribúa a reducir os materiais que deterioran o noso entorno”.
O técnico agrícola Julio Franco, encargado de dar unhas pautas xerais previas ao sorteo das paracelas, instruíu aos asistentes con indicacións sobre os cultivos, dando a información necesaria para saber como se cultiva desde a perspectiva da agricultura ecolóxica. “Unha das cousas máis importantes é conseguir a satisfacción persoal e atopar nesta actividade unha motivación que nos permita tamén estar en contacto coa natureza, polo que debe ser algo voluntario e de entretemento”, explicou, engadindo que “a constancia e o orden son dúas cuestións fundamentais para afrontar esta iniciativa, unha oportunidade para xerar comunidade dun xeito saudable ao tempo que producimos vexetais con certas garantías de consumo”. Franco explicou os ciclos de produción das sementes, que varían segundo a climatoloxía ou a humidade da terra para xerminar nas condicións óptimas.
A preservación do medio ambiente foi un dos eixos principais do seu relatorio, “debemos concienciarnos de que este tema se ten que tomar en serio, e imos empezar polo local para aportar no respecto ao medio dentro das nosas posibilidades e poñéndonos metas alcanzables”.
Unha iniciativa que comeza a dar os seus primeiros pasos para estimular o produto de proximidade, recuperando prácticas que se foron perdendo e que atopa en Burela un lugar cunha implicación cidadá latente e cun compromiso institucional firme.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
