SANTIAGO .- Portos de Galicia adxudicou por dous millóns de euros o servizo de limpeza nos portos e instalacións portuarias da zona norte co fin da mellorar a calidade das augas e instalacións portuarias, respectando o medioambiente e conseguindo melloras substanciais na limpeza portuaria
Nota de Prensa
O ente público adxudicou por dous millóns de euros o servizo de limpeza nos portos e instalacións portuarias da Zona Norte
PORTOS DE GALICIA AUMENTARÁ A CALIDADE AMBIENTAL DOS PORTOS INCREMENTANDO A LIMPEZA DAS SÚAS AUGAS E INSTALACIÓNS EN TERRA
* Un novo tratamento para os portos que conseguirá a mellora da calidade das augas e instalacións portuarias respectando o medioambiente e conseguindo melloras sustanciais na limpeza portuaria
Santiago, 19 de xullo de 2010.- Portos de Galicia adxudicou por pouco mais de dous millóns de euros o servizo de limpeza nos portos e instalacións portuarias da Zona Norte de Galicia que incluen as instalacións portuarias desde o porto de Ribadeo, na provincia de Lugo, ata o de Redes na da Coruña.
O ente público na súa preocupación polos defectos xurdidos na limpeza dalgúns portos e adxudicou este novo concurso de limpeza que abarca a todos os portos autonómicos. Un novo tratamento para os portos de Galicia que de seguro conseguirá a mellora da calidade das augas e instalacións portuarias respectando o medioambiente e conseguindo melloras sustanciais na limpeza portuaria da que se verán beneficiados os usuarios, operadores portuarios e cidadáns.
En moitos casos a intensa actividade pesqueira que se produce nos nosos portos, pode deixar nalgún caso aillado restos de dito traballo. A gran cantidade de instalacións portuarias do litoral galego fan que, as veces, poidan producirse algún tipo de incidentes nos portos que a partires de agora quedarán solucionados coa mellora da limpeza das súas augas e instalacións en terra coa adxudicación deste novo concurso.
Con este novo concurso, novedoso nalgúns aspectos, se mellorarán as fachadas portuarias con servizos que comprenden as actividades de limpeza xeral de todos os portos e pequenas instalacións portuarias, a recollida de residuos e dos subprodutos da pesca e o seu transporte a plantas de tratamento debidamente autorizadas de acordo coa lexislación medioambiental vixente en cada momento.
En canto ás augas interiores Portos de Galicia levará a cabo a limpeza da lámina de auga dos portos. A desratización das zonas portuarias, limpeza de sumidoiros, arquetas rexistro e cunetas son outros elementos que se teñen en conta.
Tamén se fará a limpeza das oficinas, dependencias portuarias, básculas, Postos de Inspección Fronteiriza, casetas de vixilancia do código P.B.I.P. e casetas de estiba pertencentes a Portos de Galicia, así como dos canalóns de recollida de augas pluviais dos edificios portuarios e o vaciado e recollida das papeleiras instaladas nas zonas portuarias.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
