CERVO .- Efectivos das Forzas de Seguridade do Estado, Policía Local e do Servizo de Extinción de Incendios e Protección Civil de Cervo traballarán de xeito coordinado nos distintos operativos que se desenvolvan nos actos e festividades que máis persoas congregan no municipio durante os meses de verán.
Así o confirmou este mediodía o alcalde de Cervo, Alfonso Villares, ao remate da xuntanza da Xunta Local de Seguridade Municipal, que tivo lugar hoxe no consistorio cervense e á cal asistiu o subdelegado do Goberno na provincia de Lugo, José Vázquez Portomeñe, ademais de representantes da Garda Civil, Policía Local e do Servizo de Extición de Incendios e Protección Civíl do Concello de Cervo.
Segundo indicou o rexedor, os integrantes dos distintos corpos e forzas de Seguridade locais e nacionais desenvolverán as súa tarefas de xeito coordinado en eventos coma a Romaría de Sargadelos, a festa da Maruxaina ou a Queimada Popular de Cervo, “eventos nos que a afluencia de público fai que sexa necesario un especial despregue dos distintos operativos para garantir deste xeito a seguridade dos visitantes e tamén para atallar calquera tipo de imprevisto ou altercado que se poida dar” significou Villares
Criminalidade baixa
Alfonso Villares salientou tamén os datos ofrecidos polo responsable do Goberno do Estado en Lugo sobre a taxa de criminalidade e delincuencia existente no municipio. “Afortunadamente temos cifras case inexistentes e isto é gracias a labor de todos os axentes e integrantes das distintas forzas de seguridade que desenvolven a súa labor no noso municipio” resaltou. Aínda así, Villares sinalou a necesidade de “non baixar a garda” e indicou que dende o Concello continuarase a solicitar a axuda de tódolos sectores implicados “en aras de atallar os poucos sucesos de carácter delitivo que se veñen producindo no municipio, e tamén para traballar na necesidade de erradicar outros actos menores de gamberrísmo, os cales anualmente supoñen para as arcas municipais uns prexuízos económicos considerables”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
