Ribadeo, 13 de abril de 2022. O Concello presentou a súa nova guía RibadeoXNatural e tamén unha app de sendeirismo, xeoturismo e cicloturismo. O acto tivo lugar no salón de plenos e contou coa asistencia do alcalde, Fernando Suárez, e dos concelleiros de Cultura, Medio Rural, Medio Ambiente e Turismo, Pilar Otero, Marcos Villamil, Jorge Díaz e Pablo Vizoso.
Vizoso Galdo explicou que “esta guía de RibadeoXNatural pode atoparse en formato dixital na sección de “Momentos” da páxina de turismo (turismo.ribadeo.gal) ou en papel, nas oficinas de turismo do Concello e ademais estes días repartiranse máis de 500 exemplares entre os aloxamentos do noso municipio”.
O edil ribadense contou que “a app para móbiles xa se pode descargar tanto para dispositivos de Android como IOS co nome RibadeoXNatural Concello de Ribadeo. Trátase dunha aplicación que conta con 10 rutas de sendeirismo, xeoturismo e cicloturismo. Cada unha das rutas leva incorporada a súa audioguía, o seu track e tamén información moi detallada de cada elemento e de cada percorrido”.
O concelleiro de Turismo dixo: “sabemos que Ribadeo é un territorio cun gran potencial e un dos maiores atractivos é o turismo asociado ao seu entorno natural, á súa biodiversidade, á interpretación e á educación medioambiental”.
Pablo Vizoso subliñou que “a creación deste tipo de ferramentas turísticas favorece a imaxe de Ribadeo como un destino turístico de natureza, fomenta e relaciona esta iniciativa co resto de produtos de natureza xa en funcionamento neste concello, como o Ribadeo Birding, que pon en valor o humidal Ría de Ribadeo, ou Entre Arcos e Cantís, que amosa a importancia xeolóxica da nosa zona costeira a través de diferentes xeorutas”.
O responsable da Área de Turismo e Comercio indicou que “o obxectivo destas accións principalmente é destacar a relación do noso Concello co turismo de natureza, coa práctica deporte e concretamente co sendeirismo e ademais afondar na desestacionalización da oferta turística. Trátase ademais de rutas adaptadas a todo tipo de público, que poñen en valor o noso patrimonio natural e cultural”.
E engadiu que “estes percorridos son moi factibles e accesibles durante todo o ano e tamén son moi recomendables de realizar durante a tempada baixa, cando o corazón de Ribadeo ofrece unha beleza singular”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
