Lugo, 10 de maio de 2022. Preto de 180 veciños e veciñas da provincia benefícianse esta semana do programa da Deputación de Lugo Coñece a túa provincia, destinado a entidades sen ánimo de lucro dos 67 concellos da provincia. Trátase de membros de oito asociacións das zonas centro e sur de Lugo que percorrerán A Mariña, descubrindo a costa e o interior, ademais da Ribeira Sacra e a zona de Montaña.
Este martes, a Asociación de Veciños do Barrio de Cobas, de Monforte, e a Asociación de Mulleres Rurais Santa Isabel, de Outeiro de Rei, son os dous primeiros colectivos en participar esta semana nas visitas. Os monfortinos coñeceron este martes as instalacións e o traballo que desenvolve a Deputación de Lugo na Granxa Gayoso Castro da man do Deputado de Recursos Sostibles, Roberto Fernández Rico, para, posteriormente poñer rumbo á costa e descubrir as praias de Barreiros, así como o patrimonio natural e cultural de Ribadeo. Por outro lado, os membros da asociación de Outeiro de Rei visitou o Pazo de San Marcos acompañada pola Deputada de Réxime Interior, Promoción do Territorio e Turismo, Pilar García Porto, e achegáronse á Ribeira Sacra para visitar os concellos de Pantón e Carballedo.
O mércores será a quenda da Asociación Sénior de Telefónica, que percorrerá o interior da Mariña cunha visita aos concellos de Trabada, A Pontenova e Riotorto, ademais de coñecer o Pazo de San Marcos e sede da institución provincial. Cervantes e Navia de Suarna, cunha visita á aldea do Piornedo ou a unha fábrica de embutidos, será o destino da Asociación de Amigos da Feira, de Castro de Rei.
A Granxa Gayoso Castro será a primeira parada da Asociación de Veciños de Marce, de Pantón, que o xoves coñecerá os concellos do Valadouro e Alfoz percorrendo algúns dos seus recursos, como o Pozo da Onza ou o Castelo de Castrodouro. Pola súa banda, a Asociación de Veciños Virxe da Saleta, de Castro de Rei, viaxará á Ribeira Sacra e percorrerán o centro histórico de Monforte, coñecendo o seu pasado. Antes, farán unha parada no Mazo de Santa Comba, de titularidade da Deputación de Lugo.
Alumnos e alumnas do CEIP Virxe da Luz de Portomarín e a Asociación Sociocultural de Veciños de Santiago de Reigosa, de Castro de Rei, completan as viaxes desta semana. O estudantado visitará as instalacións da produtora audiovisual da Deputación de Lugo e, continuará a viaxe polos concellos de Xove e Viveiro. A veciñanza de Castro, pola súa banda, coñecerán as instalacións e o traballo que se realiza na Granxa Gayoso Castro para poñer posteriormente rumbo aos concellos de Cervantes e Navia de Suarna.
Máis de 600 persoas de preto de 30 asociacións participaron no que vai de tempada nas viaxes gratuítas pola xeografía lucense impulsadas pola institución provincial en apoio á actividade do turismo, a hostalaría e o comercio local. O programa Coñece a túa provincia conta con dúas quendas que permitirán descubrir a provincia a 3.000 usuarios e usuarias dun total de 135 entidades en primavera, entre marzo e xuño, e en outono, de setembro a novembro.
García Porto destacou que “esta iniciativa busca seguir favorecendo o coñecemento da provincia entre a veciñanza, apoiar ao sector turístico, hostaleiro e comercial, e consolidar un modelo de turismo de calidade, sostible, con capacidade para atraer visitantes ao longo do ano, que pon en valor o patrimonio e que mantén e crea emprego, sobre todo no rural”.
Coñece a túa provincia inclúe o transporte de balde para os traslados de ida e volta dende o lugar ou lugares de orixe, póliza de seguros de viaxeiros, menú de xantar, e entradas e visitas a diferentes lugares de interese da provincia de Lugo. Estas visitas serán realizadas por profesionais que contan coa habilitación de guía oficial de turismo de Galicia e polo persoal de atención ao público nos diferentes museos, empresas ou obradoiros sinalados nos itinerarios do programa.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
