No conxunto de Galicia concedéronse incentivos a 42 municipios esgotando o crédito dispoñible, 800.000 euros
Cospeito, 11 de maio de 2022. A Xunta de Galicia concede axudas por importe global de 240.000 euros a 16 concellos da provincia de Lugo para corrixir impactos paisaxísticos nos equipamentos e edificios municipais.
O delegado territorial de Lugo, Javier Arias, visitou hoxe xunto co alcalde de Cospeito, Armando Castosa, un lavadoiro do municipio construído en formigón no que se acometerán obras de embelecemento ao abeiro deste programa. Prevese pavimentar o perímetro con pedra, revestir o tanque de auga con morteiro e substituír a cuberta por outra con piares de pedra, estrutura de madeira e lousa, así como mellorar a explanada de acceso, cunha superficie de más de 120 metros cadrados.
Arias explicou que a Consellería de Medio Ambiente, Territorio e Vivenda vén de resolver as solicitudes de 2022 das entidades locais da liña de apoios destinada a instaurar o fermosismo, para avanzar na loita contra o feísmo nos concellos de menos de 20.000 habitantes.
Esta orde de axudas —convocada en xaneiro por 600.000 euros e cuxo crédito se ampliou ata os 800.000 euros— recolle dúas liñas de actuación. A primeira subvenciona obras para emendar o impacto negativo que causan sobre a contorna edificacións nas que se prestan servizos municipais, e acolléronse a ela os concellos de Baralla, Cervo, O Corgo, Mondoñedo, Outeiro de Rei, Ribas de Sil, Ribeira de Piquín e Trabada, que reformarán depósitos de auga, polideportivos, antigas escolas ou dotacións culturais, entre outras instalacións.
A segunda liña está pensada para mellorar equipamentos públicos propiedade dos concellos, con especial fincapé nos elementos etnográficos como hórreos, fontes ou lavadoiros. Na provincia apoia o citado proxecto de Cospeito e outros en Barreiros, As Nogais, Chantada, Pantón, Portomarín e Sober. Pola súa banda, Begonte obtivo achegas polos dous conceptos, xa que prevé actuar sobre a antiga escola municipal e sobre unha fonte e un lavadoiro.
As achegas poden acadar o 70% do custo estimado, cun máximo de 20.000 euros por cada liña, e as actuacións deben adaptarse aos criterios fixados na Guía de cor e materiais de Galicia ou aos da Guía de boas prácticas de caracterización e integración paisaxística de valados.
No conxunto de Galicia, a Xunta concedeu 52 axudas a 42 concellos galegos —algúns recibiron unha por cada liña—, por un importe global de 800.000 euros, esgotando o crédito consignado a esta orde de incentivos.
A Consellería de Medio Ambiente convocou tamén unha liña dirixida a particulares, que acadou as 2.000 solicitudes e que ten previsto resolver este mesmo mes.
Segunda convocatoria
O pasado ano convocáronse por primeira vez estas ordes de axudas para a corrección de impactos paisaxísticos; en Lugo aprobáronse achegas para 126 obras promovidas por particulares, por unha contía total de 344.000 euros, e 12 promovidas por concellos, con apoios que sumaron 149.000 euros.
En vista do éxito da primeira edición, a Xunta decidiu convocar de novo este ano ambas liñas de subvención no marco da súa aposta polo fermosismo e para garantir unha integración harmónica entre as construcións urbanas, tanto públicas como privadas, e a contorna paisaxística.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
