Haberá presentacións, divertimentos e un photocall moi especial do que participarán a Coca e o Coco.
Ribadeo, 12 de maio de 2022. A oitava edición de Letras no Campo, a feira ribadense do libro, celebrarase do 14 ao 17 de maio. Haberá presentacións de libros, concertos, a proxección dunha película e un photocall moi especial do que participarán o Coco e a Coca. As casetas abrirán de 11:30 a 13:30 horas polas mañás e de 17:30 a 20:30 horas polas tardes. As Letras no Campo foron presentadas pola concelleira de Cultura, Pilar Otero, e por libreiros participantes.
A edil ribadense manifestou: “podemos dicir que nesta fin de semana longa en Ribadeo temos moitos atractivos para quen vivimos aquí e para todas as persoas que queiran vir visitarnos. Mentres a feira do libro se está a desenvolver ponse en marcha o Ribadeo de Tapeo, o clásico e pioneiro evento de tapas que ofrece as mellores suxestións en bares e restaurantes. Tamén o programa de achegamento e goce da nosa contorna natural, que leva por nome O Renacer do Cantil, propón actividades para sábado e domingo. E na oficina de Turismo inaugúrase o venres, 13 de maio, a exposición A Bretaña que hai en nós, de fotografías das cruces de pedra na Bretaña, de Castelao, organizada pola asociación de irmandade Ribadeo-Loctudy, coa participación de Ugía Pedreira e Pierre Yves Rougier”.
Otero Carbacos explicou que “o nome que recibe este evento, Letras no Campo, pretende rescatar a denominación que sempre se lle deu a esta parte da vila, o Campo. E así, tanto as casetas como a sala onde se farán as presentacións están no Campo de San Francisco. Nesta edición estarán presentes as librarías Bis a Bis, Gráficas Santiago, Pícaros Mundi e Anticuaria Galgo, de Ribadeo, que ofrecerán un desconto do 10% na venta de libros en galego. A maiores exporán as súas producións a editorial Canela e o Servizo de Publicacións da Deputación de Lugo”.
A concelleira de Cultura sinalou que “primeiramente gustaríame falar da persoa que lerá o pregón. É a escritora e mestra da Veiga Belén Rico Prieto, escritora na variante do galego que falan as nosas veciñas e veciños da outra banda do Eo. Parécenos de xustiza este xeito de recoñecemento, de visibilización dunha produción literaria que se fai un pouco á marxe, mais que nos completa como falantes dunha mesma lingua, rica e variada. Cremos asemade que o galego é un patrimonio que nos enriquece e ten que estar por riba de cores políticas e fronteiras administrativas”.
Pilar Otero seguiu a relatar que “Letras no Campo vai desenvolverse do 14 ao 17 de maio e o horario de apertura de casetas todos os días vai ser de 11.30 a 13.30 e de 17.30 a 20.30 horas. A lectura do pregón será o sábado ás 19.30 horas. Cada xornada terá un divertimento e o dese día é o tradicional concerto das letras galegas a cargo da Banda Municipal de Música de Ribadeo”.
A edil nacionalista dixo que “o domingo ás 12.00 horas a poeta, ensaísta e doutora en Teoría da Literatura, María do Cebreiro, presentará as súas edicións críticas das obras Cantares Gallegos e En las orillas del Sar, de Rosalía de Castro. Pola tarde ás 18.00 horas a protagonista é unha obra urxente e necesaria, froito do traballo do profesor Carlos Varela Aenlle. É o Dicionario do galego de Asturias. Unha hora máis tarde, a autora de Burela Antía Yáñez preséntanos a súa novela Non penses nun elefante rosa. O divertimento dese día vai ter lugar a xeito de sesión vermú, ás 13.00 horas, e será o concerto da cantautora portuguesa Eva Parmenter”.
Otero Cabarcos contou que “chegamos xa ao luns, 16 de maio, e iniciámolo co poeta Cesáreo Sánchez Iglesias e o seu A árbore que dá as lágrimas de Shiva.
Paco Rivas despois tráenos un romance para crianzas, o Romance de don Dinís e dona Helena. O seguinte autor, que presenta a obra pola tarde, é Xesús Trashorras, veciño noso en tempos e que nos trae a súa obra de narrativa Paseando canguros.Completa a tarde de presentacións unha nova escritora, Lucía Ferro coa súa novela Resaibo amargo. O divertimento dese día é a proxección da película galega Valentina, de Chelo Loureiro, premio Goya á mellor película de animación”.
E engadiu: “a mañá do 17 de maio, Día das Letras Galegas, está protagonizada por dúas presentacións do Servizo de Publicacións da Deputación de Lugo. Fernando Arribas e Teresa Pena Moreda falarán de A vangarda das formas, a obra cerámica de Isaac Díaz Pardo. E Fernando Villapol Parapar en Ciencia e conciencia, historia social abordará o percurso histórico e territorial do apelido Villapol. Rematamos coa entrega de premios da fase local do Certame de Narración e Debuxo Infantil Letras Galegas 2022, organizada pola Biblioteca de Ribadeo e para acabar, como divertimento, o concerto de Sobrado”.
A concelleira de Cultura anima a asistir ás Letras no Campo: “despedimos esta presentación co convite a visitar Letras no Campo e de asistir a todas as actividades que as rodean, entre elas e para as crianzas, un photocall moi especial do que participan o Coco e a Coca”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
