O novo equipamento, cuxo orzamento ascendeu a 6000 euros procedentes de fondos propios, foi estreado polo Distribuciones Carreiras San Ciprián, da sección de baloncesto do C.D. San Ciprián, que está a disputar a fase de ascenso á Liga Galega
Cervo, 17 de maio de 2022. O Concello de Cervo vén de adquirir e instalar un novo marcador electrónico inalámbrico e dous temporizadores de precisión –un para cada fondo da pista- no pavillón municipal da Veiga para facilitar a práctica deportiva das diferentes disciplinas que acolle esta instalación.
O novo equipamento foi estreado polo Distribuciones Carreiras San Ciprián, pertencente á sección de basket do Club Deportivo San Ciprián, que nestes intres está a xogar a fase de ascenso á Liga Galega.
O rexedor, Alfonso Villares, e o edil de Deportes, David Rodríguez, aproveitaron a ocasión para desexarlle moita sorte a este equipo, que este martes volve xogar un partido decisivo na casa fronte ao Peleteiro para lograr ese obxectivo.
Tal e como sinalou Villares “seguimos a investir no mantemento e mellora das nosas instalacións deportivas, para que as persoas que practican deporte no noso municipio o fagan na mellor das condicións”. O compromiso deste Goberno co deporte –engadiu- é firme tal e como patente coa execución de constante labores de mantemento, conservación, substitución e mellora das diferentes instalacións municipais”.
Pola súa banda, Rodríguez explicou que “os novos marcadores son sistemas modernos e vangardistas que van contribuír a un mellor desenvolvemento das competicións así como ofrecer unhas instalacións mellor acondicionadas para acoller diferentes eventos deportivos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
