Tomé destacou que o Goberno provincial actúa desde o convencemento “de que a estabilidade laboral e as boas condicións de traballo son fundamentais para asentar e consolidar uns servizos públicos modernos, áxiles, de calidade e capaces de evolucionar de acordo coas necesidades da cidadanía”
Lugo, 19 de maio de 2022. O Presidente da Deputación de Lugo, José Tomé Roca, anunciou que a institución impulsará este ano un proceso de estabilización laboral de 110 prazas ocupadas ata o momento por persoal temporal. Fíxoo este xoves, despois de asinar na Sala de Xuntas do Pazo de San Marcos xunto á Deputada de Réxime Interior, Promoción do Territorio e Turismo, Pilar García Porto, o acordo acadado no seo da Mesa Xeral de Negociación, conformada pola Administración e as forzas sindicais que representan aos traballadores e traballadoras, que fixa os criterios da Oferta Pública de Emprego (OPE) deste 2022 para desenvolver o proceso de estabilización do persoal da Deputación en aplicación da Lei 20/2021, de 28 de decembro, de medidas urxentes para a redución da temporalidade no emprego público impulsada polo Goberno de España.
O mandatario provincial puxo en valor o acordo conseguido, que contou cos votos a favor de UXT, CC.OO. e CSIF, e coa abstención da CIG, pois a administración podería ter promovido a estabilización sen o diálogo cos sindicatos, pero “este Goberno ten a firme vontade de chegar sempre aos maiores consensos posibles cos representantes dos traballadores e traballadoras da institución, dun xeito especial en todo o que ten que ver coas súas carreiras profesionais ou situación laboral”.
O Presidente subliñou que este é un acordo que beneficia a todas as partes: “É importante para os traballadores e traballadoras que se van beneficiar dun xeito directo; importante para a Deputación de Lugo e a administración local, porque avanzamos na estabilidade no emprego público; e importante para os veciños e veciñas da provincia, porque esta aposta pola estabilidade ten por obxectivo último seguir avanzando na mellora da prestación dos servizos públicos e o noso traballo de cooperación cos concellos”.
José Tomé incidiu na relevancia do acordo “porque senta as bases do proceso que sacaremos adiante a través da Oferta Pública de Emprego deste ano 2022 para a estabilización dun total de 110 prazas”, engadiu o Presidente, quen apuntou que se trata “dunha mellora significativa das condicións laborais de máis dun cento de persoas, ás que daremos estabilidade e seguridade no emprego”. “Facémolo cumprindo co espírito da nova Lei e dende o convencemento de que a estabilidade laboral e as boas condicións de traballo son fundamentais para asentar e consolidar uns servizos públicos modernos, áxiles, de calidade, e capaces de evolucionar de acordo coas necesidades da cidadanía”.
A Oferta Pública de Emprego da Deputación de Lugo deste ano 2022 incluirá, a maiores da estabilización de 110 prazas ocupadas ata o momento por persoal temporal, un total de 19 prazas de acceso libre.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
