O voceiro popular explica que “foi o BNG a formación que apoiou o taxazo do goberno do señor Llano que grava a tódolos veciños e se opuxo á ambiciosa rebaixa fiscal proposta polo PP”
Burela, a 26 de maio de 2022. O Grupo Municipal Popular de Burela levará ao vindeiro pleno ordinario, atendendo a un compromiso adquirido pola ACIA, as propostas trasladadas pola asociación para que “as súas xustas reivindicacións sexan expostas e tratadas de forma literal e sen ningún tipo de malentendido no pleno. Deste xeito, quedará reflectido na acta oficial o resultado das deliberacións” e, ademais, “os seus acordos son vinculantes; a pesar de que o señor Llano e o seu goberno non son moi dados a cumprir”, explica o voceiro, Manuel Rouco.
O popular defende que “se houbo algunha formación que estivo a carón da ACIA de Burela con propostas concretas foi o Grupo Municipal Popular”. Nese sentido, manifesta sobre as declaracións da formación nacionalista trala xunta de voceiros que “sería un tanto cómico, se non fora pola seriedade do asunto, ver que agora o BNG trate liderar e apropiarse das iniciativas propostas pola ACIA de Burela e ás que eles se opuxeron dende o comezo deste mandato, tanto cos seus posicionamentos nos plenos coma nas súas declaracións públicas”.
O voceiro lembra que “era o BNG o que dicía que non había ningún problema co mercado de Burela na zona de Torrentes e que as protestas polo cambio de localización eran infundadas e dirixidas por unha formación política como se os comerciantes ambulantes, os comerciantes e a hostalería de Burela e o resto dos veciños non tivesen criterio propio”. Para Rouco, isto “demostra a falta de respecto que lle ten a todos eles”.
O Grupo Municipal Popular, pola súa banda, “foi sensible e estivo a carón do sentir maioritario dos comerciantes ambulantes, dos comerciantes e hostaleiros da nosa vila e do resto da veciñanza”.
O BNG non evitou o taxazo a tódolos veciños
Rouco non pode entender que “o BNG veña agora a intentar capitanear a non subida de taxas que solicita a ACIA de Burela, cando foron eles os que apoiaron no pleno o taxazo do goberno socialista que grava agora a toda a veciñanza”. Ademais, “non apoiaron a proposta do Grupo Municipal Popular para unha ambiciosa rebaixa fiscal para intentar reactivar a economía e a actividade na nosa vila”.
“Parece un chiste que agora o BNG do señor Pillado, empregando un eufemismo, diga que a limpeza viaria que se está levando a cabo é francamente mellorable; tendo en conta que foron eles os que permitiron a adxudicación do contrato de recollida do lixo e limpeza viaria máis caro da historia de Burela, un 20% máis que o anterior”, explicou o voceiro. E isto a pesar de que a nosa formación advertiu dende o comezo que as teóricas melloras que se pretendían vender por parte do goberno do señor Llano coa suba do contrato eran irreais”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
