Pide á administración autonómica que tome nota “da filosofía coa que traballa a institución provincial nas residencias para converter a atención sociosanitaria nunha fonte de emprego para o rural”
Lugo, 28 de maio de 2022. O Grupo Socialista na Deputación de Lugo defenderá no vindeiro Pleno ordinario, que terá lugar o martes día 31 de maio, unha moción para instar á Xunta a que modifique o programa Coidados Porta a Porta, e garanta o acceso permanente ós servizos sociais para todos os veciños e veciñas do rural lucense.
Concretamente, a través desta proposta reclaman que o Goberno galego, en colaboración coas administracións locais, “elabore un mapa de servizos sociosanitarios axeitado ás necesidades da poboación da provincia de Lugo”. Tamén solicitan “que se garanta o acceso ós devanditos servizos ó conxunto dos e das cidadáns da provincia, con independencia do seu lugar de residencia”.
Na iniciativa rexistrada demandan ademais que se modifique o devandito programa, “co fin de eliminar o gasto innecesario en vehículos de propaganda e convertelo nun verdadeiro programa de ampliación da atención sociosanitaria no rural”. E nesa liña, que a Xunta “tome nota da filosofía coa que traballa a Deputación de Lugo nas residencias da terceira idade para converter esta atención sociosanitaria nunha fonte de emprego para o rural”.
Operación propagandística
O programa Coidados Porta a Porta é un programa dotado con 9,5M€ procedentes dos Fondos Europeos, e pretende achegar servizos a 306 concellos e atender a 100.000 usuarios, mediante un sistema de 8 autobuses que percorrerán a xeografía galega durante 22 meses. Segundo reflicten os datos da propia información facilitada pola Xunta na súa páxina web, “estamos ante unha nova operación propagandística, na que o único que interesa é ter 8 autobuses preelectorais en ruta, de aquí ó ano 2023”, aseguran os socialistas.
O aluguer dos vehículos, innecesarios para a prestación duns servizos que se poderían dispensar en espazos habilitados polos concellos, supón o 50% do orzamento total do programa. “Resulta lamentable que os Fondos Europeos se dediquen a unha actividade como o aluguer de vehículos e a publicidade”, afirma o PSdeG.
En quendas de 3/4 días, cada concello vai recibir unha media de tres visitas destes autobuses. En 22 meses de duración do programa, isto equivale a una visita cada 7 meses, “unha cadencia que non pode poñer en práctica ningún tipo de coidado real”, asegura o Partido Socialista.
Pola universalidade dos servizos públicos no rural
O Grupo Socialista da Deputación leva defendendo a calidade e a universalidade dos servizos públicos no rural fronte ós continuos recortes aplicados pola Xunta, especialmente en Sanidade e Educación. Desta forma, “non podemos concordar cun programa deseñado con criterios electoralistas, que pensa na propaganda e non nas persoas. O acceso ós servizos públicos ten que ser permanente. A atención sociosanitaria ten que estar garantida dun xeito continuado. O Estado do Benestar debe ser unha realidade cotián nos concellos do rural, non chegar cada 7 meses nunha caravana coma se fose o circo da beneficencia”, remarcan dende o PSdeG.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
