Ribadeo, 5 de xuño, 2022. Este domingo, Día Mundial do Medio Ambiente, a Agrupación Cultural Francisco Lanza dedicou parte da tarde a facer unha recollida de plásticos e outro lixo na Praia de Illas. Non se trata só de lixo que calquera persoa puidera ter deixado ao pasar por alí, senón tamén, e sobre todo, das crebas que o mar vai depositando. Hai que dicir que, de entrada, a praia estaba bastante limpa. Grazas aos consellos de Patricia Pérez, bióloga á fronte do “Ferrado Marelo”, aprenderon a buscar aqueles restos máis agochados polo labor do mar día tras día. Demos conta dunhas cantas bolsas de lixo.
Pretendíase con esta actividade chamar a atención sobre o uso dos plásticos na nosa vida cotián e os seus efectos no noso ecosistema. Máis tarde ou máis cedo, acaban petando na nosa porta, ben sexa á beira do mar, ben sexa a través da cadea alimenticia (os microplásticos que acaban nos estómagos do peixe e despois nos nosos).
Como usuarios e usuarias das praias temos a responsabilidade de adoptar unha actitude cívica evitando deixar restos da nosa actividade cotián nas mesmas. Pero, como habitantes deste planeta, esa inmensa praia que todos e todas nós temos que compartir, debemos tomar conciencia da importancia de limitar o uso de plásticos.
A través do comentario dalgunhas pasaxes do libro “Plásticus maritimus”, de Ana Pêgo, Patricia Pérez explicou o promedio de vida dun plástico. Arrepía escoitar eses datos e, sobre todo, ver como afectan ao ecosistema mariño e mesmo poden incidir directamente na nosa saúde a través da cadea alimenticia.
Tamén houbo tempo para a literatura e, da man de varias autoras e autores galegos, puidéronse ler pasaxes da súa obra na que se chama a atención sobre a necesaria preservación do noso ecosistema en xeral e, nomeadamente, das nosas praias.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
