A empresa construirá unha nave de preto de 700 metros cadrados que lle permitirá, entre 2023 e 2024, expandir a súa actividade de elaboración e venda de produtos alimentarios
Mondoñedo, 7 de xuño, 2022. A xerente da sociedade estatal “Suelo Empresarial del Atlántico”, dependente do Ministerio de Transportes a través de Sepes e xestora de 13 polígonos industriais en Galicia, Beatriz Sestayo, asinou esta mañá ante notario a venda de dúas parcelas no polígono industrial de Mondoñedo coa empresa Embutidos Hermelino, que conta cunha decena de persoas en persoal e que prevé comezar este ano a construción das súas novas instalacións.
A empresa, fundada no ano 1939, é punteira no sector alimentario galego de embutidos e construirá en Mondoñedo unha nave de 700 metros cadrados. A súa elección do polígono industrial, no que disporá tanto de venda como de elaboración no horizonte de 2023-2024, permitiralle impulsar e expandir a súa actividade.
En notaríaa de Mondoñedo, Beatriz Sestayo asinou cos propietarios da empresa, Hermelino Javier Sixto e Maricarmen Trigo, a venda das dúas parcelas, que suman 2.331 metros cadrados, cun custo de 139.687’38 euros.
Con esta importante operación, o polígono industrial de Mondoñedo sumará a curto prazo a unha empresa moi vinculada á comarca, centrada no produto artesanal galego e que distribúe principalmente en Galicia.
Os propietarios destacaron a boa localización do polígono de Mondoñedo e as facilidades que supón instalarse nun polígono industrial como principais motivos para elixir esta área industrial. Recentemente, xa se instalou outra compañía, de produción de formigón, que se sumou aos talleres que xa operaban previamente.
FACILIDADES PARA AS EMPRESAS
A xerente de SEA animou a “inversores a implantar sus áreas de negocio en Mondoñedo, donde recientemente hemos aprobado una ambiciosa oferta de suelo en Derecho de superficie”.
Beatriz Sestayo lembrou que Mondoñedo é un dos polígonos de SEA no que se ofrece chan baixo o réxime de Dereito de Superficie, un sistema similar ao alugueiro con opción a compra, que permite ás empresas instalarse por menos de 80 euros ao mes (ao redor de 800 euros anuais) durante as primeiras anualidades.
O custo das parcelas elévase levemente durante os seguintes anos, pero os adxudicatarios poderán seguir neste sistema ata 30 anos ou ben optar a comprar a parcela. No prezo de venda descóntase parcialmente a cantidade achegada durante os anos anteriores.
Na actualidade, SEA oferta seis parcelas en dereito de superficie, desde os 959’9 metros cadrados ata os 1.441’72, cun canon basee o primeiro e o segundo ano desde 791’92 ata 1.382 euros anuais.
Esta área industrial conta cunha superficie bruta de 70.000 metros cadrados, dos que 39.566 son netos de uso mixto (industrial ou terciario), de fácil acceso cara ao norte de Lugo e os portos da provincia da Coruña, e con aeroportos próximos, como o de Asturias ou o de Alvedro.
Suelo Empresarial del Atlántico é unha Sociedade Mercantil Estatal, participada, maioritariamente, cun 83,44 %, polo Ministerio de Transportes, Mobilidade e Axenda Urbana do Goberno de España, a través de Sepes, Entidade Estatal de Chan.
No accionariado tamén se integran a Xunta de Galicia, cun 14,91% e ABANCA, como posuidora dun 1,65%.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
