As conselleiras de Medio Ambiente, Territorio e Vivenda e do Mar reuníronse hoxe en Ribeira cos alcaldes de preto de 70 municipios localizados no litoral galego
Ribeira (A Coruña), 13 de xuño de 2022. A Xunta e os concellos costeiros impulsan unha fronte común para reclamar ante o Goberno central a xestión efectiva das competencias en materia de dominio público marítimo-terrestre.
As conselleiras de Medio Ambiente, Territorio e Vivenda, Ángeles Vázquez, e do Mar, Rosa Quintana, mantiveron esta mañá en Ribeira unha reunión informativa á que asistiron medio cento de representantes municipais de concellos costeiros co fin de trasladarlles a súa inquedanza ante a negativa do Goberno central a completar o traspaso a Galicia das competencias sobre esta franxa do litoral, na que están asentadas preto de 4.000 edificacións pertencentes a 82 municipios.
Acompañadas polos delegados da Xunta na Coruña, Gonzalo Trenor, en Ferrol, Martina Aneiros, e en Lugo, Javier Arias, as dúas conselleiras lembraron que a Lei de costas estatal sinala que, en materia de ordenación do litoral, as Comunidades exercerán as competencias que teñan atribuídas polos seus estatutos de autonomía.
Por esta razón, Ángeles Vázquez reivindicou que Galicia “pode e quere” xestionar as autorizacións e concesións dentro do seu dominio público marítimo-terrestre, como xa fan Andalucía e Cataluña e como, recordou, tamén aspira a facer o País Vasco, Comunidade coa que si está a negociar o Goberno central.
Neste sentido, a titular de Medio Ambiente argumentou que se trata dunha demanda “lexítima” da Xunta, avalada tanto polo principio de proximidade como porque é a Administración que conta cun maior grao de coñecemento da realidade litoral galega e do que representa o seu patrimonio para a identidade da paisaxe costeira.
Tras salientar que a Galicia “se lle está negando” unha xestión do litoral que xa teñen outras comunidades, defendeu que é hora de completar a transferencia das competencias costeiras iniciada en 1985, hai case 40 anos. Un traspaso, engadiu Ángeles Vázquez, que non require dun cambio do Estatuto, senón que se pode abordar a través dun Real Decreto ou ben dunha Lei orgánica, polo que anunciou que o Goberno galego empregará “todas as vías na súa man” para reclamar “o que é xusto para Galicia”.
A conselleira do Mar, pola súa banda, salientou que a transferencia a Galicia das competencias en materia de costas facilitaría á Comunidade a xestión do seu litoral e poñería fin aos constantes ataques do Goberno central contra o complexo mar-industria galego e contra todas as instalacións asentadas no litoral. Rosa Quintana lembrou que moitas empresas non son viables afastadas da costa, polo que reiterou o compromiso do Executivo galego na defensa dos seus intereses e para darlles seguridade xurídica.
A titular de Mar lamentou que as distintas normativas promovidas polo Ministerio para a Transición Ecolóxica e o Reto Demográfico teñen como obxectivo sacar todas as edificacións da costa sen ter en conta o seu impacto tanto na economía como na cidadanía das vilas costeiras. Por iso, a representante da Xunta reiterou a vontade da Administración galega de recorrer ás instancias que sexan necesarias para que a cadea mar-industria teña certezas sobre o seu futuro e poida realizar investimentos.
Plan estratéxico nacional para a costa
Por último, a conselleira de Medio Ambiente referiuse aos sucesivos intentos desde o ano 2019 por parte do Goberno central para modificar a Lei de costas e introducir unha interpretación máis restritiva sobre a xestión da ordenación do litoral, unha situación que definiu como “un auténtico pesadelo” para a Xunta e os concellos galegos afectados.
Neste sentido, explicou que esta mesma tarde o Ministerio presentará a chamada “estratexia da costa libre”, un plan encargado polo Executivo central a un consorcio e que utilizou como punto de partida os resultados dun cuestionario “de percepción” sobre o litoral, remitido ás comunidades e a outro tipo de entidades de todo o país, en lugar de basearse nos datos e estudos existentes ao respecto.
Así, Vázquez Mejuto indicou que “a inquedanza agora é aínda maior” porque o que di o Goberno central neste plan estratéxico é que aspira a ter “unha costa libre e sen nada no dominio público marítimo-terrestre” e para elo, avoga por acometer unha “retirada paulatina e controlada” dos seres humanos da costa.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Sinopse: Cando chega a noite e nós durmimos, a Lúa asoma polas fiestras e goza dos nosos soños. Así descobre historias máxicas, tolas e divertidas. Os seus soños favoritos son os de Calcetín, un personaxe amante da lectura e cunha imaxinación desbordante. Viaxa entre estrelas, pilota un zapato que percorre os mares ou chega ao mundo do revés. Unha proposta chea de fantasía e creatividade para fomentar o gusto pola lectura entre os máis pequenos.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
