Ribadeo, 20 de xuño de 2022. A Concellaría de Igualdade, Ensino e Mocidade organiza, en colaboración co colectivo As Vacas Fracas, unha serie de actividades de carácter lúdico para conmemorar e reivindicar o próximo 28 de xuño, Día Internacional do Orgullo LGTBIQ (Lésbico, gai, trans, intersexual, queer).
Cada ano conmemórase este día en recordo aos disturbios de Stonewall, Nova York, en 1969, cando a policía cargou con extrema violencia contra varios establecementos frecuentados por persoas LGTB. Desde entón, houbo un punto de inflexión, a comunidade LGTB comezou a loitar polos seus dereitos e creou campañas que conseguiron converterse en símbolos internacionais pola defensa da liberdade e a promoción da igualdade de oportunidades para todas as persoas.
Desde a Concellaría de Igualdade sinalan que “a diversidade sexual e de xénero cobran sentido desde o recoñecemento da diferenza, cando tomamos conciencia de aínda que non somos iguais, cada persoa ten a súa propia orientación, identidade e sexualidade. E isto non nos fai nin mellores nin peores porque o importante é que somos iguais en dereitos. A diversidade é positiva, enriquece e debe valorarse para garantir a liberdade de expresión de todas as persoas”.
O programa de actos que se desenvolverán en Ribadeo é o seguinte:
O sábado, 25 de xuño, realizarase un mural e un obradoiro de graffitis e técnicas mixtas no pavillón municipal ás 17:00 horas co colectivo As Vacas Fracas.
O 26, domingo, ás 20 horas comezará o ciclo de cinema, no Cinema Teatro, coa proxección da película Carmen e Lola, de Arantxa Echevarría.
O luns, 27 de xuño, a partir das 17 horas desenvolveranse unha serie de obradoiros infantís de técnicas mixtas, no Parque San Francisco, orientadas na diversidade. Estas actividades están destinadas e nenas e nenos con idades comprendidas entre os 6 e os 12 anos. En caso de circunstancias climatolóxicas adversas estas accións trasladaranse á Escola Municipal de Música e Danza.
Para a xente moza e a adulta ás 20.00 horas no Teatro proxectarase no Teatro Sedimentos, de Adrián Silvestre, un filme que poderá ver calquera persoa a partir dous 13 anos.
As actividades programadas rematarán o 28 de xuño ás 19:30 horas coa presentación do mural no pavillón municipal.
Tamén a Casa do Concello lucirá a bandeira LGTBI. Desde a Concellaría de Igualdade subliñan que “desde o Concello de Ribadeo continuamos co noso compromiso coa igualdade e contra a discriminación de xénero e das características sexuais de cada quen”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
