Rosana Pérez lembrou que este colectivo desenvolve o seu traballo a bordo dos barcos dedicados á pesca de diferentes artes velando polos controis de medicións, tempo de travesía, estado dos aparellos e horas de calado e virado
Santiago de Compostela, 21 de Xuño, 2021. A través dunha proposición non de lei, defendida pola portavoz de pesca do BNG, Rosana Pérez, o BNG acadou un acordo unánime para : “levar acabo as accións necesarias que permitan iniciar o procedemento para o establecemento dos coeficientes redutores da idade de xubilación do colectivo de observadores e outros colectivos que dependen da Consellería do Mar”, e en segundo lugar, “ instar á Xunta a dirixirse ao goberno de España para iniciar o proceso de revisión dos coeficientes redutores dos traballadores e traballadoras do mar, adecuando os mesmos ás circunstancias actuais da frota e da actividade marítimo Pesqueira e acuícola.
Para a parlamentaria, este acordo é “un primeiro chanzo” dunha vella reivindicación do colectivo a pesar de que a lexislación actual de seguridade social establece que o procedemento para establecer os coeficientes redutores na idade de xubilación, no caso do persoal pertencente ás administracións públicas debe ser á iniciativa conxunta entre as formacións sindicais máis representativas e a administración da que dependa o colectivo.
Os observadores ou mostradores da propia Consellería do Mar, explicou a portavoz de pesca nacionalista, embarcan en calquera punto da costa galega para desenvolver as súas funcións e con disponibilidade absoluta dependendo do horario do porto de saída. Estes embarques en buques profesionais e de propiedade privada cunha xornada que depende do tipo de barco e da pesca que pode abranguer entre 3 e 16 horas, pode realizarse de día ou de noite e supeditados ás condicións meteorolóxicas. Polo tanto, considerou a parlamentaria do BNG que están sometidos ás mesmas condicións laborais dentro do réxime especial do mar pero non se lles aplica a “idade de xubilación establecida pola lei” que na súa opinión “representa unha discriminación”.
Por esta razón, dixo, desde o BNG mantivemos na nosa autoemenda o primeiro punto por entender que se pode iniciar o proceso como recolle a administración ao que sumou a lexislación de seguridade social que permite a Xunta iniciar o trámite conxuntamente coas organizacións sindicais máis representativas. A maiores, puntualizou a deputada do BNG, a lexislación de pesca que na actualidade está a exposición pública e recollendo “algúns cambios” a respecto de determinados colectivos do mar, pode introducir esta demanda.
Rosana Pérez amosou o seu apoio a que todos e todas as traballadoras do mar en circunstancias “gravosas, penosas, perigosas ou de outra índole” como recolle a propia administración ”, conten coa posibilidade dos coeficientes redutores á hora de abordar a idade de xubilación.
Dende o BNG, afirmou, entendemos que as distintas petición non son incompatibles como xa defendemos no caso dos garda costas e outros colectivos.
A deputada considerou que o apoio das forzas políticas no Congreso reforzaría en grande medida o acordo do Parlamento galego e de aí a súa insistencia para que “todo o persoal de mar” poda verse reflectido no contido deste acordo.
A parlamentaria do BNG solicitou tamén o apoio dos grupos do PP e PSOE para presentar as emendas que consideren ao proxecto da lei de pesca para que todos os traballadores do mar, sexan ou non da administración, teñan os “mesmos dereitos”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
