Os populares din que chegan tarde e mal, carecen de investimentos significativos e non inclúen previsións para apoiar as empresas
Foz, 30 de xuño de 2022. Unha vez máis, o goberno municipal de Foz, presidido polo socialista Fran Cajoto, presenta o proxecto orzamentario tarde e mal. As contas que pretende aprobar son as contas da leiteira, nas que sobran recursos para propaganda e faltan para todo o que é realmente importante. O portavoz popular, Javier Castiñeira, sinala: “Abraiados nos quedamos no PP de Foz cando escoitamos á tenente de alcalde Inés López falar de que van presentar os orzamentos da recuperación”. Con ironía Castiñeira, di que “imos debater os supostos orzamentos da recuperación pasado xa medio ano; o equipo de goberno máis amplo e máis caro da historia do noso concello non é capaz de presentar os orzamentos en tempo e forma”.
Os populares indican que “nun alarde de imaxinación, creatividade e propaganda política queren chamarlles os orzamentos da recuperación, cando os van aprobar no mes de xuño e van ter, como moito, vixencia de cinco meses, a non ser que que pretenda prorrogalos outros seis meses”.
Castiñeira di: “O Partido Popular, analizados os orzamentos, ve que son de todo menos de recuperación. Primeiro, porque hai cero euros para promocionar e axudar ás empresas a recuperarse. Segundo, porque sube a recadación no IBI e do lixo e non sabemos cales son os motivos, aínda que así o preguntamos nas comisións”.
Os investimentos, a pesar de que o orzamento xeral sube case 500.000 euros con respecto ao 2021, seguen sendo mínimos, non chegan, segundo explica Castiñeira, aos 500.000 euros. “Son absolutamente insuficientes e dende logo non xustifican que se lles denomine orzamentos da recuperación”, asegura o portavoz popular.
No PP destacan que “este ano duplican os cartos para as festas, o que chama a atención, especialmente porque cando o PSOE estaba na oposición negábase totalmente a que subiran as partidas de festas; suben tamén as partidas de gasto corrente”.
Curiosamente, partidas que deberan subir, dado que hai un gasto a maiores derivado ao incremento dos prezos dos combustibles, da enerxía, nalgunhas áreas son incluso menos que o ano pasado. Os populares sospeitan que nalgún caso non se ten en consideración a variable máis importante que hai que ter en conta nestes orzamentos, que é a inflación.
Castiñeira fai o seguinte resumo: “Son uns orzamentos que chegan mal, sen consensuar (dubidamos incluso que os teñan consensuados cos seus socios de goberno, co BNG). Suben a partida de propaganda para intentar seguir facendo o que veñen facendo: propaganda. E agora que chegan as eleccións duplícana, como así aparece nos orzamentos para este ano”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
