Despois da visita, o ministro desprazouse cara á lonxa para realizar unha xuntanza con distintas entidades e representantes do sector pesqueiro
Burela, 6 de xullo de 2022. O ministro de Agricultura, Pesca e Alimentación, Luis Planas, mantivo un encontro co alcalde de Burela, Alfredo Llano, dentro da súa viaxe institucional á provincia de Lugo, facendo parada na localidade mariñana.
Á súa chegada ao Concello foi recibido polo alcalde e polos concelleiros e concelleiras do goberno municipal, así como outras autoridades alí presentes. A continuación, o ministro Planas foi acompañado ao despacho do alcalde para asinar o libro de honras nun breve encontro que mantiveron, onde puideron intercambiar impresións sobre a situación actual e sobre os temas que afectan nomeadamente á comarca.
O ministro agradeceu o traballo da corporación local a través da figura do seu alcalde polo traballo cos concidadáns, e moi especialmente “con el sector pesquero, que constituye su seña de identidad”, mencionando á confraría, lonxa e organización de produtores, que “merecen un reconocimiento especial como actores muy relevantes del sector pesquero español”.
Pola súa banda, Alfredo Llano agradeceu a visita do ministro sinalando a importancia de que “os cargos políticos máis relevantes do noso país veñan á Mariña e visiten Burela como referente no sector náutico pesqueiro, dando a oportunidade aos distintos axentes de trasladar inquedanzas ou problemáticas en persoa ao propio ministro e establecendo un diálogo directo que imprime a intención do goberno do estado polo contacto coa xente e a sensibilidade e escoita activa para coas súas necesidades”.
Tras a sinatura do libro, Luis Planas dirixiuse ao porto para realizar a xuntanza programada co sector pesqueiro.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
