RIBADEO (FNC) .- O alcalde de Ribadeo, Fernando Suárez, amósase tranquilo tras o recurso contencioso administrativo presentado por tres funcionarios contra os orzamentos municipais de 2010, medida da que se enterou polos medios de comunicación. O rexedor está convencido de que “lles vai saír o tiro pola culata”.
Suárez Barcia recoñeceu que “eu enteréime polos medios de comunicación, porque aínda non recibín comunicación formal sobre o contencioso administrativo presentado por varios traballadores municipais, tres funcionarios, contra os orzamentos municipais de 2010. Son uns presupostos aprobados definitivamente tras a moción de confianza á que me sometín. Parece ser que non son do agrado para estes traballadores, que teñen nalgúns casos uns salarios que duplican ao do alcalde aínda que entendo que a responsabilidade do alcalde é máis que a de calquera funcionario deste Concello”.
O alcalde ribadense sinalou que “nas cuestións formais da aprobación definitiva dos orzamentos eu remítome ao que din os diversos informes xurídicos dos que dispoñemos, coma o da Deputación Provincial de Lugo e en todo caso si teñen o dereito de ir ao contencioso ninguén llelo vai denegar desde logo. Si nunha situación coma a actual na que o goberno do Estado manda recortar os salarios dos funcionarios, si nunha situación coma a actual onde os recursos son cada vez máis escasos, algúns traballadores pretenden que nós repartamos unha serie de cartos sen máis criterio que o de reparto ao estilo vaiche boa despois de esgotar ata última vía de negociación, nós iso non o podemos facer por moi consignado que estivese no 2009. Estamos nun noxo exercizo e nunha nova circunstancia e moito me temo que lles vai saír o tiro pola culata e en todo caso cando lles saia seguramente esta Corporación xa non estará, estará unha nova Corporación cuns orzamentos aprobados e si a xustiza lles da a razón dubido que sexa demasiado relevante”.
A Suárez Barcia sorpréndelle que “nunha situación económica como a que hai con rebaixa nos investimentos e nuns tempos nos que temos que facer moitos equilibrios, chama a atención a actitude dos diferentes grupos da oposición. O PSOE, o máis combativo na defensa a ultranza dos intereses dalgúns funcionarios, non sei como poden manter esta postura aquí cando o presidente do goberno do Estado di precisamente o contrario. O PP, que agora a última hora se quere subir ao carro e non debe ver o que fan os seus compañeiros na Xunta de Galicia, recortando todo tipo de inversión pública e social e chámame a atención a actitude do señor Rivas, que vai estrear novo cargo dentro de moi poucos días no seo do PP autonómico, parece ser que a integridade da xente non se mira por máis que o levan cuestionando os propios membros do PP e agora o van absorber como fan as grandes empresas cando absorben a outras máis pequenas para copar todo o mercado posible, e agora tamén se suma á defensa a ultranza dos funcionarios. Todos o fan porque non teñen responsabilidade de goberno porque si así fora outro galo cantaría e estarían dicindo o que nós estamos argumentando, que todo o que facemos o facemos desde o punto de vista da legalidade, do rigor e da inversión dos cartos públicos”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
