Lugo 13 de xullo de 2022. Este mediodía presentouse na área recreativa da Veiga, en Muras, a quinta edición do Trail das Bestas, que se celebra o vindeiro domingo 17 de xullo e que conta a escasas horas de pecharse o prazo de inscrición -ao rematar o día de hoxe- conta con 350 persoas anotadas.
A proba ofrece catro modalidades de participación: 43 Kms, 27Km, 14 km e andaina, para facer camiñando e cun percorrido tamén de 14 km. A organización destacou que nesta quinta edición a Serra do Xistral ten maior protagonismo en todos os itinerarios, reforzando a visibilidade deste espazo natural emblemático. Así mesmo, atendendo ás previsións meteorolóxicas, prevese un reforzo dos puntos de avituallamento e a presenza dun equipo sanitario que desenvolverá unha labor preventiva.
Como en anteriores edicións, ponse especial atención na conservación dos espazos naturais polos que transitará a proba, limitando o trazado a espazos nos que non ten impacto o tránsito dos corredoras e corredores e revisando os itinerarios ao finalizar ao evento.
O punto de referencia da proba será a contorna da área recreativa da Veiga, que reúne todos os servizos para as persoas participantes e acompañantes, con espazo dispoñible para aparcamento de turismos e caravanas e piscina.
O alcalde de Muras, Manuel Requeijo, mostrouse satisfeito de “poder levar adiante un ano máis o Trail das Bestas, unha proba deportiva quecontribúe á promoción dos recursos naturais do concello, poñendo en valor as paisaxes da Serra do Xistral e das fragas do Eume, e a propia área recreativa da Veiga, que conta cuns espazos magníficos para o lecer ampliados nos últimos tempos coa apertura da piscina municipal”.
“Cremos que a marca Muras sae reforzada con este tipo de iniciativas”, apuntou o rexedor, que valorou tamén “o dinamismo económico que xenera a presenza dos corredores e corredoras, que en moitos casos chegan xa o día anterior e se aloxan nos establecementos do concello e da cormarca”.
O deputado de Deportes Efrén Castro explicou que “a organización do evento, financiada polo Concello de Muras, conta cunha achega de 6.000 euros do Plan Único da Deputación de Lugo que reivindicou como unha fórmula de distribución equitativa de recursos aos concellos, que deciden os investimentos que desenvolven con autonomía”
No acto, participaron tamén o tenente alcalde e responsable de Deportes de Muras Mario Rouco e os responsables da organización do evento, a cargo de MarMar Outdoor.
Observación astronómica
Na véspera do Trail, o sábado pola noite a organización propón unha actividade de observación do ceo e as estrelas, encadrada na marca de Muras como destino Starlight. A actividade, da man do experto en astronomía Marcos López Alonso, pretende dar a coñecer este atractivo natural de Muras a corredores e corredoras mais a participación está aberta a calquera persoa interesada. Cómpre anotarse previamente no enderezo electrónico pablo@marmaroutdoor.com, indicando nome, apelidos e dni e especificando “Starlight” en asunto.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
