O portavoz popular, José María Fernández, pon en valor “o compromiso da Xunta co noso municipio”
Trabada, 22 de xullo de 2022. O voceiro do PP de Trabada, José María Fernández, destaca “un novo investimento da Xunta no noso termo municipal”. Trátase dunha axuda que a Xunta vén de conceder ao Concello por importe de máis de 70.000 euros para a execución dunha pista multideporte no CEIP Plurilingüe Celso Currás.
O popular agradece “o compromiso con Trabada por parte da Xunta de Galicia” que ten vén a ofrecer unha alternativa que permita a práctica deportiva no municipio, despois da “chapuza do goberno municipal co campo de fútbol e a pista de pádel” debido á súa “incompetencia”.
Fernández explica que “a administración autonómica leva investido no noso concello durante este ano preto de 636.000 euros”. Deste xeito, “fronte ás constantes acusacións da alcaldesa socialista, a Xunta demostra a súa implicación co municipio achegando orzamento para diversas actuacións”.
A Xunta leva aportado no que vai de ano 162.000 euros para sufragar o Servizo de Axuda no Fogar (SAF) e 156.000 euros dentro do Fondo de Compensación Ambiental. Entre outras achegas, a Xunta dirixe preto de 55.000 euros para a mellora de camiños municipais, 30.000 euros para a mellora do acceso entre o aparcamento de autocaravanas e a área da Choza, 20.000 para a mellora da fachada da Casa do Concello dentro da liña de actuación contra o impacto paisaxístico, 15.000 euros para a mellora e embelecemento do entorno do Camiño de Santiago entre Trabada e Porta do Malle.
E, por poñer algúns exemplos, en materia de emprego, “a Xunta achega ao Concello de Trabada 14.000 euros para a contratación dun traballador perceptor de RISGA para realizar tarefas de prevención de incendios, máis de 12.800 euros para a contratación dunha brigada contra incendios e máis de 6.000 para a contratación de dous socorristas.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
