Trátase dun “novo atropelo da autonomía local” e un “ataque á libre competencia”, en tanto que a Goberno será “árbitro e xogador ó mesmo tempo: regula o mercado da auga, establece as normas e opera cunha empresa no propio sector”
Lugo, 25 de xullo de 2022. O Grupo Socialista da Deputación de Lugo quere deixar constancia do seu rexeitamento á Lei do Ciclo Integral da Auga, aprobada en solitario polo Partido Popular, que vulnera a autonomía local e sube o recibo da auga dos fogares galegos un 61% “nun momento económico especialmente complicado”. A Xunta busca impoñer un modelo “no que marca as condicións e ós concellos só lles queda adherirse e pagar, ou quedar fóra e asumir toda a xestión do ciclo da auga no seu territorio”, advirten.
Por iso, o PSdeG defenderá no vindeiro Pleno da Deputación, que se celebrará este martes, unha moción para reclamar ó Goberno galego un Plan Estratéxico consensuado coa Federación Galega de Municipios e Provincias (FEGAMP) no que se contemplen as infraestruturas, o territorio, as contías, o financiamento e as datas de execución; e que se arbitren as fórmulas precisas para que a Xunta, de acordo con ese plan, opte ós fondos Next Generation habilitados para o tipo de infraestruturas recollidas no ámbito desta Lei.
Solicitan tamén que “se garanta un mínimo de retorno do canon que pagan os concellos e veciños para o abastecemento e saneamento da auga”, que calquera iniciativa no eido do subministro e saneamento se adopte coa opinión dos concellos, as deputacións e a FEGAMP, e que o desenvolvemento das infraestruturas precisas non supoña un incremento sobre o prezo que pagan actualmente os fogares galegos pola auga.
O PSdeG lembra que a Conselleira de Infraestruturas e Territorio, Ethel Vázquez, presentou no 2019 un informe sobre a Problemática e situación da prestación dos servizos de saneamento en Galicia, no que cargaba sobre os concellos todas as culpas das deficiencias nas infraestruturas precisas para desenvolver unha xestión eficiente do ciclo da auga e propoñía a creación dunha Sogama da auga. O rexeitamento amosado pola maioría dos concellos a aquela iniciativa non freou as intencións da Xunta, e o 22 de xullo de 2021 iniciouse a tramitación do anteproxecto de Lei de Mellora da Xestión do Ciclo Integral da Auga, aprobada o 28 de xuño deste ano no Parlamento de Galicia co único apoio do PP.
Cada fogar galego pagará de media 33€ máis ó ano
A nova Lei, que deixou aprobada Núñez Feijóo, crea tres novas taxas -a de xestión das depuradoras, a de xestión dos colectores e a de abastecemento- e na propia memoria económica a Xunta contempla unha subida nos ingresos de 50M€ ó ano.
Tras a análise dun total de 74 ordenanzas fiscais doutros tantos concellos galegos, a conclusión é que, de media, cada fogar galego terá que pagar 33€ máis ó ano no recibo da auga.
A Lei supón, así mesmo, unha “extorsión ós concellos”, pois só aqueles que lle cedan a xestión da auga á Xunta recibirán investimentos nas infraestruturas da rede de augas e depuración, e “un novo atropelo da autonomía local” e un “ataque á libre competencia”, en tanto que a Xunta será “árbitro e xogador ó mesmo tempo: regula o mercado da auga, establece as normas e opera cunha empresa no propio sector”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
