Burela, 28 de xullo, 2022. O Parrulo Ferrol e Pescados Rubén Burela acordan a fichaxe deste xogador por período dun ano máis outro opcional. O santiagués Alberto Mirás (2001) incorpórase a plantilla do conxunto mariñán no seu proxecto de Segunda División.
O á, canteirán do Santiago Futsal, xogou nas categorías inferiores, no seu equipo filial e, deu o seu paso ao primeiro equipo desde a tempada 2018-2019, chegando a ser peza fundamental nel.
Alberto é un xogador moi novo con gran proxección, que foi tido en conta pola Selección Española sub-19, xa que foi convocado. Con todo, a pesar da súa mocidade, posúe moita experiencia na categoría de Segunda División, polo que será beneficioso para o equipo laranxa.
Na última tempada no Parrulo Ferrol vén de anotar 8 goles e xogar todos os partidos, sendo unha xogador clave no quipo ferrolán. Nunha entrevista ofreceunos as seguintes declaracións con motivo da súa fichaxe:
– Cales son as túas sensacións tras fichar polo Burela FS?
“Estou moi contento, unha oportunidade moi boa para a min e para seguir crecendo , vou a un equipo con grandes xogadores, e gran corpo técnico a aprender e axudar ao equipo”.
-Que crees que podes achegar ao teu novo equipo?
“Creo que son un xogador bastante correcto tácticamente, que pode defender, que ten calidade de pase, e espero adaptarme ao que pida ao adestrador xa axudar o máximo posible”.
-Crees que coñecer xa a categoría de prata tan ben che dá vai vantaxe?
“Non creo que me dea vantaxe. Se é certo que ao final é bo ter experiencia, pero ao final hai xogadores que non a teñen e fan un bo papel. Son moi novo e espero seguir aprendendo cada día”.
-Cales son os teus obxectivos pola túa incorporación ao equipo?
“Seguir aprendendo, seguir mellorando e axudar ao equipo para que logre os obxectivos marcados” .
Como ves ao Burela FS no seu novo desafío en segunda?
“Creo que están a facer unha plantilla moi competitiva. Están facendo ben as cousas desde o club. É un club serio e disciplinado, e isto axuda a que os resultados poidan ser positivos. Teñen xogadores con moita calidade e con moito percorrido en Primeira e Segunda. Creo que imos formar unha plantilla forte e hai que estar contentos e ilusionados”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
