BURELA (FNC) .- O alcalde de Burela, Alfredo Llano, convida a veciños e visitantes a disfrutar de Produart e da feira do bonito. O rexedor fai “unha invitación global a toda Galicia, tanto aos nosos veciños coma aos que nos visitan estes días. Imos ter unha fin de semana moi movida aquí en Burela, comezamos hoxe con Produart, a feira dos produtos artesanais e ecolóxicos, que se inaugura ás sete da tarde. Alí estarán presentes sectores como alimentación, cosmética, saúde, hixiene, tecnoloxías alternativas, imos procurar facer unha boa exposición e grata para o visitante”. Produart comeza hoxe e prolóngase ata o vindeiro domingo.
Llano lembra que “mañá sábado celébrase a vixésimo sexta edición da feira do bonito, evento de interés turístico en Galicia. Queremos tamén convidar a todo o mundo a degustar o noso príncipe azul. Vai ser un espectáculo ver como se asa o bonito a partires das dez ou das once da mañá, despois estarán os xogos da costeira e finalmente sesión vermú ás dúas da tarde. O obxectivo desta feira é promocionar este peixe que se pesca por parte dos nosos barcos de forma artesanal, o cal é un valor engadido. O bonito será cociñado e ofrecido de varias formas, o prezo da ración será de 6 euros e inclúe pan e viño”.
O alcalde burelés considera que “é unha ocasión extraordinaria para degustar o bonito, para visitar Burela e Produart, para ver o noso paseo e o barco museo. Merece a pena achegarse a Burela esta fin de semana. Todo o mundo será benvido, agardamos unha grande afluencia de público polas datas nas que nos atopamos. O tempo acompañará e pensamos que merece moito a pena vir a Burela desde hoxe e ata domingo”.
Cita en Burela coa feira ecoloxica e artesana Produart e a Feira do Bonito na fin de semana
Relacionado
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
