Ribadeo, 2 de setembro de 2022. Os locais hostaleiros asociados a Acisa Ribadeo gozarán dunha ampliación de 2 horas mais sobre o seu horario habitual de licenza, grazas ao permiso tramitado pola patronal ribadense.
Desde a Asociación de Comerciantes, Industriais, Servizos e Autónomos de Ribadeo o xerente, Jesús Pérez, explica que “no día de hoxe vimos de recordar aos nosos asociados a resolución do Concello de Ribadeo pola que os hostaleiros membros de Acisa contarán con 2 horas máis de autorización para poder traballar nas principais datas destes festexos da localidade. Grazas a esta autorización, tramitada por Acisa, estamos a falar de que nas madrugadas dos días 2 ao 3, do 3 ao 4, do 4 ao 5, do 5 ao 6, do 6 ao 7, do 7 ao 8, do 8 ao 9, do 9 ao 10 e do 10 ao 11, é dicir toda a semana de festas patronais mais o seguinte fin de semana, os bares e cafeterías poderán pasar de pechar ás 02:30 a facelo ás 04:30 horas, as discotecas e salas de festas de 06:00 a 08:00; e os pubs das 04:00 ás 06:00 da madrugada”.
E engade: “parécenos moi interesante poder ofrecerlle este servizo os nosos asociados e asociadas, deste xeito dáselles a oportunidade de poder traballar mais horas os días nos que haxa verbena. Deste xeito os mozos e mozas e os que non o son tanto poderán desfrutar de mais horas de troula na nosa hostalaría”.
Pérez Prada subliña que “desta ampliación horaria pódense beneficiar unicamente os asociados de Acisa Ribadeo, xa que nos encargamos dende a entidade de xestionalo. A Policía Local conta co listado dos establecementos que poden gozar desta ampliación horaria que son, como digo, os socios de Acisa, así como con copia da autorización emitida”.
Dende Acisa Ribadeo o seu xerente subliña “a importante colaboración e aposta feita por Acisa nestas festas patronais, aportando financiamento e actividades de cara ao programa e brindándolles a nosa colaboración e achegando servizos propios coma esta ampliación horaria. Queremos aproveitar para felicitar as festas a todos os nosos veciños e veciñas”.
Campaña para a volta ao cole
Carmen Cruzado, presidenta de Acisa Ribadeo explica “xa temos lista a programación de setembro e estamos a traballar na do último trimestre deste 2022. Setembro, enfocámolo principalmente na nosa campaña para a Volta ao Cole con Acisa”.
Cruzado Iglesias indica que “hoxe presentamos a campaña para a Volta o Cole coa que pretendemos recordarlle á veciñanza que non hai mellor lugar para facer as compras desta tempada que no comercio local de Ribadeo. As cores do outono xa están a encher os escaparates do comercio local, onde encontrarán todo o que necesitan como roupa, calzado, material escolar, electrónico.Todo está preparado para recibir á nova estación con toda a moda desta nova tempada”.
A presidenta de Acisa subliña: “a importancia de mercar nos establecementos locais, onde nos ofrecerán un asesoramento e un trato próximo e personalizado”.
Esta campaña de esta cofinanciada polo Concello de Ribadeo.
Carmen Cruzado engade que “neste mes de setembro, un ano mais seremos colaboradores coa media maratón que organiza a Concellaría de Deportes de Ribadeo, convencidos de que este evento é un moi bo escaparate para a nosa vila, e que crea un bo fin de semana de actividade económica”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
