Ribadeo, 6 de setembro de 2022. O Concello acomete estes días tarefas de rebacheo en diferentes camiños das parroquias da costa e do interior. O investimento ascenderá a 47.000 euros de fondos propios e o prazo de execución será dun mes, segundo deu a coñecer hoxe o concelleiro de Medio Rural, Marcos Villamil.
O edil ribadense contou que “aproveitando este bo tempo estamos nestes días executando unha serie de accións de mantemento da extensa rede de camiños municipais en todas as parroquias de Ribadeo. Sabemos que un concello tan grande coma o noso, con tantas parroquias, tanto da costa como do interior, necesita unha continua inversión en mantemento e mellora”.
Marcos Villamil dixo: “somos conscientes de que levamos amañado moitos quilómetros de viarios nestes últimos anos, pero aínda quedan moitos máis por facer. Mentres o aglomerado asfáltico non poida chegar a todos os sitios, debemos garantir que o firme teña condicións de seguridade para os vehículos que os transitan. Así que contratamos o rebacheo dos camiños municipais de todas as parroquias para manter a rede viaria municipal con unhas condicións aceptables”.
O concelleiro de Medio Rural explicou que “a empresa adxudicataria é Deymet, o prezo do contrato ascende a 47.000 euros, que saen dos fondos propios municipais, e o prazo máximo de execución destas obras é dun mes”.
Villamil pediu disculpas polas molestias que estas obras poidan ocasionar na circulación: “pedimos desculpas e comprensión polas molestias e posibles retencións de tráfico nalgúns puntos, aínda que isto faise necesaria para poder logo transitar con seguridade”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
