Alfoz, 15 de setembro, 2022. A I Carreira Popular Alfoz-Valadouro terá lugar o domingo 9 de outubro con saída no Castelo de Castrodouro de Alfoz e remate no Pavillón Municipal de Ferreira do Valadouro.
Organizada a través dun convenio ente ambos municipios, sendo o Concello de Alfoz o organizador principal en 2022 e alternándose en anos sucesivos, contando coa total coordinación e colaboración das respectivas Concellalías de Deportes e os seus responsables Eliseo Teijeiro no Valadouro e César Marrube en Alfoz.
Destacamos ademais a colaboración de Manuel Otero , Xefe do Servizo de Deportes de Lugo da Xunta de Galicia para a realización deste evento deportivo quen nos acompaña na presentación da I Carreira Popular Alfoz-Valadouro 2022
Agradecemos tamén a Manuel Eiras, responsable da Run Foz Run a súa axuda e asesoramento na organización da proba.
As inscricións e regulamento da proba, están dispoñibles en Champion Chip Norte, https://ccnorte.com/evento/index/page/5? E Tour Mariña https://xn--tourmaria-s6a.com/es/web/evento/2392/.
Data límite para as inscricións: 5 de outubro.
A saída nesta edición será desde o Castelo de Castrodouro (Alfoz) onde ás 9:00h realizarase a entrega dos dorsais. Os horarios previstos segundo a categoría son:
10:00h Andaina
10:30 Absoluta (2006 e anteriores)
11:15 Pícaros (2015 e anteriores)
11:20 Benxamín (2013-2014)
11:25 Alevín (2011-2012)
11:35 Infantil e Cadetes (2007-2010)
O percorrido será de 5km nos termos municipais de Alfoz e Valadouro, onde rematará á categoría absoluta e se levará a cabo tamén a saída das categorías de menores que percorrerán as distancias correspondentes no entorno do Pavillón Municipal do Valadouro onde se ubica o punto de chegada para todos e todas as participantes.
Contarase coas instalación deportivas do pavillón, xinmasio e piscinas municipais do Valadouro para o uso de duchas e vestiarios para os corredores e corredoras.
No pavillón habilitarase unha zona de avituallamento tras a carreira e a entrega de premios está programada para as 12:30h, onde se entregarán os trofeos e medallas aos gañadores e gañadoras das distintas categorías.
O percorrido, de 5km, non é excesivamente longo nin presenta dificultade, algo que consideramos fundamental para facelo o máis accesible posible ao maior número de persoas, especialmente a aqueles e aquelas que están comezando a practicar este deporte e así contar cun amplo número de participantes. Do mesmo xeito, se adaptan as distancias para os máis pequenos e en ambos casos se trata de traxectos sinxelos.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
