Burela, 20 de setembro, 2022. Representantes da Organización de Produtores Pesqueiros do Porto de Burela OPP-7 participan esta semana en Bruxelas nas reunións do Consello Consultivo de Mercados da UE (MAC ou Maket Advisory Council), que son as primeiras que se celebran de forma presencial desde xaneiro de 2020.
Este martes tivo lugar a reunión do Grupo de Traballo 3, sobre control e información en cuestións sanitarias e normas para os consumidores, na que tomou protagonismo a frota de palangre de fondo de Burela, que hai uns meses se converteu na primeira frota de altura certificada por “Pescaenverde” polo seu baixo impacto ambiental.
Durante esta xornada, dentro do apartado de “Regra de categoría da pegada ambiental do produto (PEFCR) para os produtos pesqueiros”, e de todo o debate europeo polas declaracións obrigatorias ou voluntarias de sustentabilidade, presentouse a certificación “Pescaenverde” da Universidade de Santiago de Compostela, que garante unha baixa pegada carbono e alta taxa de retorno enerxético nas actividades produtivas pesqueiras.
Amaya Ordóñez, consultora da empresa Inxenia e auditora autorizada pola USC en canto á marca ‘Pescaenverde’, encargouse de presentar algúns aspectos sobre a certificación da principal frota e pesqueira do porto de Burela. O 100% da frota que pesca a pescada do pincho de Burela en augas europeas cumpre os cocientes impostos para a devandita certificación, cunha baixa pegada de carbono e unha alta taxa de retorno enerxético.
A ‘Merluza D& Burela’ emprega desde o pasado mes de abril este distintivo no seu proceso de comercialización da pescada do pincho para certificala como unha pesca responsable con baixo impacto ambiental, uníndose así á pesca artesanal de Galicia para dar valor aos seus produtos, facendo ver aos compradores que son capturados cunha baixa pegada de carbono e de maneira energéticamente eficiente.
Precisamente este luns a Comisión Europea publicaba no Diario Oficial da UE (DOUE) a prohibición de pesca en determinadas zonas de augas profundas, unha medida que desde o sector táchase de inxusta e innecesaria e que, sen ningunha base científica, pon en perigo a frotas como a do porto de Burela, distinguida polo seu baixo impacto ambiental e por traballar mantendo unha baixa pegada de carbono e altas taxas de retorno enerxético.
O encontro do Consello Consultivo de Mercados péchase este martes en Bruxelas coa celebración da súa Asemblea Xeral. O MAC está composto por máis de 60 membros de 12 estados membros, que na xornada do luns reuniron aos Grupos de Traballo 1 e 2 para tratar diferentes temas relacionados co desenvolvemento dos mercados da Unión Europea para os produtos da pesca e acuicultura.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
