Solicitan “que traslade ás autoridades europeas o rexeitamento dunha decisión que consideramos inxusta e inxustificada e esgote todos os medios para a súa retirada, ben a través da negociación, ben a través dos recursos legais dispoñibles”
Lugo, 23 de setembro de 2022. O Grupo Socialista na Deputación quere deixar constancia do seu rexeitamento á decisión da UE de prohibir a pesca de fondo en caladoiros nos que faena a frota galega. Por iso, o Grupo Provincial do PSdeG na Deputación de Lugo reclamará no vindeiro Pleno a través dunha moción rexeitar este veto “e modificar unha decisión que atenta contra un sector estratéxico do noso país”.
O PSdeG insta á institución provincial a solicitar ao Goberno central “que traslade ás autoridades europeas o rexeitamento dunha decisión que consideramos inxusta e inxustificada e esgote todos os medios para a súa retirada, ben a través da negociación, ben a través dos recursos legais dispoñibles”. Demandan á Xunta “arrimar o ombreiro e sumar esforzos co Goberno central para presionar en Bruxelas, porque este non é un tema partidista senón unha necesidade de país”.
Unha medida impulsada pola maioría conservadora da C. Europea
O partido advirte que esta medida “ten sido fortemente contestada polo sector, xa que se toma sen facer distincións entre o diverso grao de impacto que xeran as diferentes artes pesqueiras, e sen contar con datos científicos actualizados da situación dos ecosistemas e dos caladoiros”. Dende o PSdeG denuncian ademais que “quen promove o regulamento que prohibe a pesca do arrastre de fondo en determinados caladoiros comunitarios é a maioría conservadora que goberna a Comisión Europea, e na que está integrada o PP”.
Un veto prexudicial para a frota pesqueira da nosa provincia
Por todo isto, os socialistas lucenses sumámonos ó rexeitamento dunha medida prexudicial para a frota pesqueira da nosa provincia. “Entendemos que as medidas de conservación do medio ambiente, no século XXI, tense que levar adiante combinando a rexeneración co mantemento da actividade económica. No caso da frota lucense, estamos a falar dun colectivo de autónomos e PEMES que aporta un importante porcentaxe do PIB á provincia e, de xeito especial, a unha comarca como a de A Mariña que ten sufrido nos últimos anos as consecuencias dun grave proceso de desindustrialización”, inciden.
Sen base científica nin argumentos
Sinalan ademais que dende Bruxelas, “estase a cuestionar sen base científica nin argumentos a actividade dun sector exemplar, esencial para a Mariña. Un sector que aporta riqueza e que captura nos caladoiros produtos de primeira calidade recoñecidos a escala internacional. Un sector que conforma un dos sinais de identidade sociocultural da nosa provincia”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
