“Con esta medida amosamos o noso compromiso coa cidadanía para paliar xuntos os efectos da suba de prezos, desenvolvendo políticas que repercuten positivamente nos petos das clases medias e traballadoras”, salientou Rodríguez
A Fonsagrada, 3 de outubro de 2022. A subdelegada do Goberno en Lugo, Isabel Rodríguez, comprobou esta mañá na Fonsagrada a boa resposta dos veciños e veciñas aos descontos que o Goberno activou no transporte público terrestre dende o 1 de setembro, para paliar a situación actual derivada da crise enerxética e da Guerra en Ucraína. A subdelegada puxo en valor o desconto do 50% do prezo do billete do que gozan os usuarios e usuarias, do que o 30% apórtao o Goberno e o 20% restante é complementado pola comunidade autónoma.
Isabel Rodríguez informou que son miles de veciños, familias, traballadores e peregrinos os que se están a beneficiar desta rebaixa aprobada polo Goberno nos billetes das 640 liñas interurbanas que ofrecen este servizo nos concellos da provincia. “Con esta medida amosamos o noso compromiso coa cidadanía para paliar xuntos os efectos da suba de prezos, desenvolvendo políticas que repercuten positivamente nos petos das clases medias e traballadoras”, destacou a subdelegada, que estivo acompañada polo alcalde da Fonsagrada, Carlos López.
Neste senso, Rodríguez exemplificou que unha persoa da Fonsagrada que traballe en Lugo aforrará coa rebaixa do Goberno uns 50 euros ao mes en transporte público. Así, informou que o Executivo Central achega a maior parte do desconto nestes tipo de transportes, aínda que son de competencia e titularidade autonómica.
A Subdelegada mostrouse satisfeita coa repercusión desta medida ao comprobar que moitos usuarios e usuarias fixeron uso destes descontos durante a xornada. En todo caso, fixo un chamamento á cidadanía para que se sume a esta medida histórica e que, segundo remarcou, demostra que o Goberno está a adoptar medidas útiles nun contexto moi complicado.
Ademais, Isabel Rodríguez engadiu que a rebaixa do Ministerio de Transportes nos prezos do autobús é un incentivo para potenciar o uso do transporte público, “aumentando o aforro enerxético nas comunicacións e reforzando a aposta pola loita contra o cambio climático”, sinalou.
Estes descontos nos billetes dos autobuses interurbanos que aplica o Goberno súmanse ás rebaixas nos buses urbanos, nos concellos adheridos, e á gratuidade dos abonos do tren en todas as liñas que conectan as estacións de Galicia, tanto Cercanías, como Media Distancia e Avant.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
