Lourenzá, 19 de outubro de 2022. Vilanova de Lourenzá acollerá este domingo, día 23, desde as 09:30 horas a segunda edición da Feira Exposición do Cabalo Galego, na que participarán exemplares procedentes das provincias de Lugo, A Coruña e Pontevedra. O evento foi presentado pola alcaldesa, Rocío López, e tres representantes da organización: Isabel Casariego, da Asociación de Criadores de Cabalo de Pura Raza Galega (PURAGA) e os laurentinos Diego Terrón e Zaira Braña.
A alcaldesa, Rocío López, explica que se organiza esta segunda edición do evento polo éxito que tivo a primeira, celebrada en outubro do ano pasado, e destaca que se prevé que este domingo a participación de exemplares e a presenza de público aínda sexa maior.
Diego Terrón, que ten exemplares de cabalos galegos, resaltou que “é unha feira dedicada ao cabalo de pura raza galega e ao marchador galego, que é unha raza que estamos intentando recuperar porque se perdera pola introdución de razas de fóra. Este é o obxectivo principal da feira aínda que tamén haberá probas para outras razas”.
Isabel Casariego anunciou que “vai ter lugar a final do campionato morfolóxico oficial de pura raza galega para eguas e sementais, organizado por PURAGA, que é a asociación da raza de cabalo galego. Imos ter tamén concurso morfolóxico oficial de poldros e poldras de pura raza galega, un concurso morfo-funcional para poldros e poldras de cabalo marchador galego e a final do campionato galego de andadura de cabalo marchador galego, nas modalidades de serrada e chapeada. Ademais faremos, ás 16:15 horas, o sorteo en directo dun poldro de cabalo marchador galego, para o cal as rifas pódense comprar ata o propio día da feira. Tamén haberá carreiras de andadura libres, de serrada e de chapeada e entregaranse premios para o mellor exemplar de pura raza galega e de cabalo marchador galego, para o xinete máis novo, para o maior número de exemplares e para o mellor engalanado ao xeito tradicional”.
Os organizadores esperan contar coa participación dun centenar de cabalos procedentes de diferentes lugares das provincias de Lugo, A Coruña e Pontevedra.
Isabel Casariego explicou tamén que este evento “celébrase en Lourenzá porque o ano pasado uns rapaces laurentinos, Diego Terrón e Zaira Braña, coa axuda da alcaldesa, propuxeron a PURAGA organizar unha feira do cabalo galego e fíxose a primeira edición. Este ano quixemos repetir, mellorar, facela un pouquiño máis grande e a idea é que quede Lourenzá como sede dun evento cabalar importante no mes de outubro como referencia para os vindeiros anos”. Agradece tamén a colaboración da Área de Medio Rural da Deputación de Lugo.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
