Unha vintena de centros educativos realizaron visitas a granxas ao abeiro do programa de Medio Rural
Lugo, 24 de outubro de 2022. A deputada de Medio Rural, do Mar e Mocidade Mónica Freire achegouse este luns ao CEIP de San Cosme de Barreiros para entregar exemplares do libro “Os Bolechas van da escola á granxa, unha publicación editada ao fío do programa “Da Escola á Granxa” co que, nestes meses, se están a levar a cabo visitas de escolares a granxas e pequenas producións agrícolas e artesanais do rural.
Os nenos e nenas de Barreiros visitaron a granxa Arqueixal, en Palas de Rei, onde ademais de interaccionar cos animais coñeceron o proceso de elaboración do queixo e do iogur natural que producen.
A deputada de Medio Rural, que estivo acompañada polo alcalde en función de Barreiros, Antonio Veiga, e polas concelleiras de Educación e Igualdade Montse Porteiro, e Servizos Sociais, Carme Veiga, sinalou que “coa edición destes libros, que están a recibir os pícaros e pícaras que participan nas visitas, queremos dar continuidade e expoñer dun xeito didáctico e divertido a importancia do traballo que desenvolven gandeiros e gandeiras, na produción de alimentos e na conservación do territorio e colaborar en trasladar aos máis pequenos a imaxe dun rural vivo, dinámico e con futuro”
Mónica Freire apuntou tamén “as boas valoración que tanto desde os colexios como desde as granxas fan destas visitas, que comezaron a finais do curso pasado e que continúan durante este primeiro trimestre do novo curso”
Ademais do alumnado do CEIP de San Cosme de Barreiros, nas últimas semanas realizáronse visitas de alumnado do CEIP de Triacastela e do CEIP do Páramo, a El País del Abeyeiro; do CEIP de Riotorto, do CEIP Terra Chá de San Román (Vilalba) e do CEIP Cantel de Foz, a Tropic Gaia; do CEIP de Begonte, a As Vacas da Ulloa; do CEIP de Paradela e do CEIP de Samos, a Muvicla; do CEIP Xoan de Requeixo de Chantada e do CEIP Frei Luis de Granada de Sarria, a Casa da Fonte; do CEIP de Cospeito, a Champivil e Chousa do Lea; do CEIP DE Quiroga e do CEIP de Muras, a Caurelor; do CEIP de Monterroso, a Pazo de Vilane e As Vacas da Ulloa; do CEIP Laverde Ruiz de Outeiro de Rei a Arqueixal; e do CPI Tino Grandío de Guntín a Cabuxa Natur. Ademais, Adega desenvolveu obradoiros de sensibilización ambiental e horticultura ecolóxica no CEIP de Rábade.
Ademais, durante a semana vindeira, están programadas as seguintes visitas a granxas e obradoiros nos centros escolares: o alumnado do CEIP A Ponte (Lugo) coñecerán As Vacas da Ulloa; os do CEIP Monterroso, Milhulloa e Arqueixal; os CEIP Covas de Viveiro, A Casa da Fonte; os do CEIP da Pastoriza, Embutidos Suarna; os do CEIP As Mercedes (Lugo)
Chousa do Lea.
As visitas estanse a desenvolver dacordo co calendario elaborado a partir das solicitudes realizadas polas Anpas durante o prazo de convocatoria e coa proposta formativa que cada granxa prepara para os nenos e nenas. Nesta primeira edición do realizaranse 72 visitas e obradoiros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
