A Mariña, 1 de novembro, 2022. O pasado domingo 30/10, no ámbito do encontro anual de Ingeniería Sin Fronteras (ISF) que se celebrou en Lugo, visitaron a comarca Oscos-Eo para coñecer a problemática de invasión eólica case unha treintena de membros de ISF de Galicia, Asturias, Euskadi, Navarra, Castilla y León, Aragón, Cataluña, Andalucía e Baleares. Contouse coa participación de integrantes das plataformas Xente de Oscos-Eo, Eólicos na Mariña Así Non, Stop Eólicos Negueira e Alto Miño Eólica Asi Non.
Reunidas na área recreativa do monte Pousadoiro en Castropol, cunha panorámica impresionante de toda a comarca, achegáronse a entender a magnitude da transformación que se pretende da nosa paisaxe da man das diferentes asociacións veciñais que están a posicionarse fronte ó expolio eólico.
A maiores de enumerar a ubicación dos polígonos eólicos previstos, explicaron os danos para a saúde, o medio e a economía local de aeroxeradores, liñas e pistas de acceso, e argumentaron a inviabilidade material e económica dunha transición orientada a manter un nivel imposible de consumo enerxético predominantemente urbano a costa da destrución do rural.
No período da tarde, se discutiron posibilidades de como ISF podería contribuir, tanto a nivel técnico (na análise técnica e/ou definición de alternativas ao modelo extractivista actual) como a nivel divulgativo (a través de artigos en prensa ou coa posibilidade de organizar visitas e obradoiros en escolas técnicas de enxeñería e institutos), así como a nivel de incidencia política.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
