Madrid, 12 de novembro de 2022. O Sorteo Extraordinario do 11/11 da ONCE deixou o seu maior premio, dotado con 11 millóns, en Ribadeo, onde o vendedor Juan Antonio Pérez Canteiro vendeu a serie agraciada no seu roteiro habitual, entre esta localidade e a famosa Praia das Catedrais.
Juan Antonio Pérez Canteiro, que leva seis anos repartindo a ilusión da ONCE nesa zona, ademais da serie agraciada cos 11 millóns vendeu nove cupóns máis, agraciados con 50.000 euros cada un, polo que repartiu en Ribadeo 11.450.000 euros.
“Estou a tremer, esta noite non creo que pegue ollo”, dixo moi emocionado e desexando que chegue o sábado para acudir ao encontro dos seus clientes habituais á porta do Eroski de Ribadeo, no roteiro de Barreiros e nas inmediacións da Praia das Catedrais, un lugar moi visitado.
“Está repartido entre clientes de todos os lugares do meu roteiro, porque o vendín un por un. O único que recordo é que o último dese número deillo a unha `parelliña` nova que saíu do centro comercial e bromeou coa terminación en `69`”, contaba entre risas.
Este sorteo deixou ademais unha repartición de 95 cupóns premiados con 50.000 euros cada un en bo número de localidades de todo o territorio. Así, na Coruña, Antonio Losada Veguillas repartiu 500.000 euros en 10 cupóns premiados. A mesma cantidade levou a Málaga David Chaparro Iglesias; e en Cuenca, Mirian Yadira Romero Sandoval repartiu outros 500.000 euros.
Na localidade sevillana de Arahal, o vendedor Alejandro Serrano González deixou outros 500.000 euros en 10 cupóns premiados; a mesma cantidade que repartiu en Sevilla Sergio Martín Jaime.
A Canarias foise outro millón moi repartido: a Las Palmas de Gran Canaria foron 500.000 euros de mans de Rosa Delia Hernández Báez; e a Santa Lucía (As Palmas), María Isabel Montesdeoca Rodriguez levou outros 500.000 euros.
En Barcelona, un dos establecementos que colaboran coa ONCE repartiu 500.000 euros; e na localidade de Puerto Serrano (Cádiz), María Isabel Orozco Lozano deixou 200.000 euros en catro cupóns premiados con 50.000 euros cada un. Alcorcón (Madrid) recibiu un premio de 50.000 euros de mans de Joaquín Gil Martín; e a través de www.juegosonce.es deuse outro premio de 50.000 euros.
Premios dun millón ao cupón
O Extra do 11/11 da ONCE repartiu tamén premios dun millón de euros por cupón en Cartaxena (Murcia), Almería, Cordoba e Xixón. En Cartaxena o millón deuno un Estanco colaborador da ONCE.
Pola súa banda, en Níjar (Almería) foi a oficina de Correos da Estrada de Yrida, a que comercializou outro cupón agraciado cun millón de euros; e en Bujalance (Cordoba), caeu outro millón, de mans de Pedro Priego Conca. Por último, a sorte foise a Xixón, con outro cupón premiado cun millón de euros nun cupón que vendeu José Manuel Barreira Túa.
En total o Extra do 11/11 da ONCE repartiu 19.750.000 euros en premios maiores por distintos puntos da xeografía nacional, sen contar os 1.309 premios de 2.000 euros e todos os demais.
Os produtos de xogo responsable da ONCE pódense adquirir na rede de 19.000 vendedores da Organización; en www.juegosonce.es, e en establecementos autorizados. Os cupóns da ONCE son parte dos produtos de lotería social, segura, responsable e solidaria da Organización que, desde o seu deseño ata a súa comercialización, implementa controis para neutralizar consumos descontrolados, prohibe expresamente a venda a menores de idade ou o consumo a crédito, entre outras medidas. A Organización mantén unha responsabilidade coa cidadanía promovendo unha política de xogo responsable cos máis esixentes sistemas de avaliación e seguimento definidos pola Asociación Mundial de Loterías e a Asociación Europea de Loterías e Totos de Estado.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
