Viveiro, 18 de novembro de 2022. A Concellería de Benestar Social do Concello de Viveiro organiza, o sábado 3 de decembro, o curso de formación ‘Comprender e apoiar a nenas e nenos no espectro do autismo’ para familias e profesionais.
A formación, financiada polo Concello, será impartida por Marlene Horna Castiñeiras, psicóloga que dende hai máis de dúas décadas traballa apoiando a persoas no Espectro do Autismo e a súa contorna. Na actualidade forma parte da Unidade de Apoio en Contextos Naturais da Asociación Autismo BATA.
A compostelá conta cunha ampla experiencia como consultora, formadora e docente, ademais de ser autora do libro ‘Nenos e nenas no Espectro do Autismo. Comprensión e estratexias prácticas de apoio educativo’.
“Dende que comezamos a traballar na elaboración dun Plan Diagnóstico da situación da infancia e adolescencia no noso municipio, detectamos a necesidade de brindar tanto a familias como profesionais formación neste eido”, subliña Victoria Baamonde Gómez, concelleira de Benestar Social de Viveiro.
“Son de sobra coñecidas por moitas familias e profesionais as referencias tan positivas que existen sobre Marlene Horna como experta na abordaxe desta realidade, que precisa ser atendida dende unha perspectiva normalizadora e inclusiva en tódolos contextos. Supón para nós todo un privilexio poder contar con ela”, engade.
Marlene Horna compartirá neste curso estratexias prácticas de apoio, unha guía sobre a estruturación física dos espazos e estruturación temporal (horarios, axenda, etc.), falará sobre a relación con iguais, así como da importancia dos educadores, a familia e outros profesionais, entre outros temas.
O curso levarase a cabo no Sala Multiusos da Casa do Concello de Viveiro o vindeiro sábado 3 de decembro, de 10:00 a 14:00h e de 16:00 a 19:00 horas.
A formación é de balde para familias e profesionais gracias á financiación do Concello de Viveiro, mais é imprescindible a inscrición a través da seguinte ligazón: https://forms.gle/KDs8hv7vKWytF4Zc7 ou contactando co número de teléfono 698 131 581 mediante chamada ou envío de WhatsApp.
O prazo de inscrición rematará o mércores 30 de novembro, ou de ser o caso unha vez completado o aforo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
