O BNG propón o aumento do orzamento en Atención Primaria ata o 25% do total do presuposto de Sanidade, medidas para reter ao persoal sanitario formado en Galiza e a incorporación de novas categorías profesionais como logopedas, psicoloxía e nutricionistas
Santiago de Compostela, 20 de novembro 2022. O BNG rexistra no Parlamento unha batería de medidas para mellorar e reforzar a sanidade pública galega con dous eixos chave: a mellora das condicións laborais do seu persoal traballador, con condicións dignas e ampliar os servizos na Atención Primaria para garantir unha calidade asistencial presencial e de proximidade.
“Compartimos a indignación dos profesionais e da poboación ante a última ocorrencia do PP en referencia á falta de asistencia nos PAC”, denuncia a portavoz de Sanidade, Montserrat Prado. Recriminou a política de precariedade e recortes do Goberno do PP, que privilexia a atención a distancia en lugar dunha atención próxima á cidadanía: “ É unha temeridade, unha irresponsabilidade, porque non se pode diagnosticar a distancia, en diferido, hai que ter aos doentes diante, porque ante unha emerxencia fan falta mans para atender ás persoas”.
Prado tamén fixo referencia á última manobra da Consellería de Sanidade de empregar persoal de enfermería como substituto do persoal médico correspondente, porque “non é posible atender unha urxencia sen un equipo de profesionais que se poidan complementar. Os enfermeiros e enfermeiras non poden substituír a médicos e médicas”, sinalou.
A alternativa do BNG para unha sanidade pública de calidade
Fronte esta situación, a deputada esíxelle ao PP que actúe “dunha vez por todas” e que “rectifique e garanta que nos PAC haxa equipos completos formados por facultativos, enfermería, celadores”, tal como establece a normativa. A formación nacionalista, ademais, reclama a posta en marcha “dun plan para reter aos e ás profesionais sanitarias formadas en Galiza e non marchen fóra”, recalcou Prado. Tamén propón o aumento ata o 25% do total do orzamento en Sanidade para a Atención Primaria e unha ampliación do seu persoal, cun plan para reter aos e ás profesionais formadas en Galiza, ademais da incorporación nos PAC de novas categorías profesionais como a de psicoloxía clínica, nutrición, logopedia e podoloxía, entre outras.
“No 2021, 75 facultativos solicitaron o certificado de idoneidade para exercer fóra a súa profesión”, recriminou a portavoz de Sanidade, “logo, o 40% dos que rematan o MIR non se quedan aquí”. Segundo a Asociación Galega de Enfermería Familiar e Comunitaria “ao redor do 20% das enfermeiras especialistas vénse na obriga de emigrar para exercer a súa profesión”. Contra esta situación “que pon en risco a saúde e a vida dos galegos e galegas” a deputada do BNG esixiu ao Goberno do PP “deixar de crear un relato fraudulento e actuar de inmediato”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
