Barreiros, 20 de novembro de 2022. Un cento de persoas participaron na andaina Camiño da Reflexión, organizada pola Asociación Cultural de Sendeirismo Camiñantes e Camiños de Barreiros coa colaboración de Bumei (Mulleres en Igualdade), CF Celta Barreiros e Barreiros Mar e Monte, con motivo do Día Internacional contra a Violencia de Xénero.
As persoas participantes saíron desde as inmediacións do restaurante A Yenka e percorreron 12 quilómetros ata chegar á Cruz do Lobo ao restaurante O Asador.
Mary Fraga, responsable de Mulleres en Igualdade na comarca, dixo que “la caminata de esta mañana fue la inauguración de la denominada Ruta de los Bancos Violeta, que invitan a la reflexión sobre esta lacra social, que es la violencia de género. Hoy también se nos unieron las asociaciones de Foz y su concejal de Servicios Sociales, Ana Rojo, para recoger ese testigo que simboliza la lucha contra la violencia de género y lo que supondrá que el año que viene será el Ayuntamiento de Foz el que organice la caminata hasta el siguiente Ayuntamiento que será el de Burela y así llevaremos por toda la Mariña, de banco violeta a banco violeta, en memoria de todas las víctimas nuestra señal de repulsa con esta lacra social”.
No acto de hoxe interviñeron a concelleira de Servizos Sociais de Mondoñedo, Ángeles Rodríguez, a edil focense Ana Rojo, e o presidente de Camiños e Camiñantes de Barreiros, José Manuel Gómez Puente. “Todos incidimos en la necesidad de aunar esfuerzos y luchar contra la violencia de género, que sigue en aumento”, añadió Mary Fraga.
Gómez Puente tivo palabras de agradecemento “para todas as persoas que esta mañá decidiron compartir esta andaina con nós”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
