O BNG defende un modelo eólico a favor País, que aporte industria, emprego e abarate a luz, desde o respecto ao rural e ao medio ambiente
Santiago de Compostela, 2 de decembro 2022. A portavoz nacional, Ana Pontón, proclamou na sesión de control que a riqueza eólica é “unha gran oportunidade para Galiza”, pero que o PP, -agora coa axuda do PSOE-, quere converter esa riqueza nunha oportunidade perdida poñendo ao lobby eléctrico por diante do País.
“Empezaron en 2009 co abrazo a Ignacio Galán, presidente de Iberdrola; seguiron co veto sistemático á tarifa eléctrica galega, impedindo que familias e empresas teñan unha tarifa máis barata, e agora temos ao PP en pleno boom eólico depredador da man das eléctricas, para que se sigan forrando roubándonos o noso vento, o noso monte, a nosa riqueza natural, sen importarlles o rural nin a vida da xente do rural”, denunciou Pontón.
“Mentres Endesa, Iberdrola, Naturgy e tantas outras teñen beneficios obscenos, os galegos e as galegas non reciben nada, ao contrario, cada vez pagamos a luz máis cara. Para as eléctricas todo, para os galegos e as galegas, nada; ese é o lema do PP”, sentenciou, para definir o modelo dun Partido Popular “convertido en axente comercial das eléctricas, lexislando ao seu ditado, que para iso funcionan as portas xiratorias”, denunciou, poñendo como exemplo o caso da eléctrica na que se recolocou a ex conselleira popular Beatriz Mato, “que pasou de sentar no Consello da Xunta a sentar no consello de administración de Greenalia”
“A mesma empresa, que casualidade, á que o Goberno do PP perdoa 11,7 millóns de euros, esa é a maneira de gobernar do Partido Popular”, denunciou, avanzando que o BNG vai pedir que se rectifique unha decisión que xa chegou á Fiscalía a través dunha denuncia de ADEGA por suposto delitos prevaricación e malversación.
Fronte a ese modelo depredador, o BNG defende un modelo baseado no control público da riqueza enerxética do País.
“Se realmente queremos que a riqueza eólica de Galiza se quede en Galiza a única maneira é ter o control público: Quitarlle a chave desa riqueza ás eléctricas e darlla aos galegos e as galegas. Esa é a proposta do BNG, control público da nosa riqueza eólica cun modelo ao servizo de Galiza, respectuosa co medio ambiente, co rural e coa xente que vive no rural, que sirva para crear industria e emprego e para abaratar a factura da luz a familias e empresas”, explicou a líder nacionalista no seu cara a cara co presidente da Xunta.
Pontón destacou que o BNG defende que todas as persoas e todas as empresas se beneficien dunha factura da luz máis barata, fronte a un PP que prima a catro multinacionais.
“Saben cal é o principal problema da industria deste País? O PP, desde que gobernan perdéronse 16.000 postos de traballo no sector e non foron capaces de salvar nin unha soa empresa en crise”, e agora, “colocan a riqueza eólica a favor do lobby eléctrico chantaxeando a Galiza coa coartada de supostos proxectos industriais”, alegou Pontón.
De novo a líder do Bloque puxo como exemplo Greenalia que pretende instalar 29 parques eólicos coa escusa de abastecer ALCOA.
Facer caixa para sempre
“E que pasa se ALCOA incumpre o seu compromiso de reiniciar as cubas en 2024? Que pasa se decide o peche definitivo en tres, catro ou cinco anos? Sería a primeira vez que se ri na cara do goberno da Xunta! Pasaría que teríamos menos industria e menos emprego na Mariña, pero a empresa da ex consellería do PP tería 29 parques eólicos facendo caixa a costa de Galiza de aquí a eternidade”, explicou.
Pontón criticou a estratexia popular de anuncios que non pasan dos titulares, neste caso para xustificar o espolio eólico. “Podería recitar aquí todos os grandes proxectos industriais que anunciaron a bombo e prato e que foron un auténtico fiasco. Pero vou resumilo nunha palabra: PEMEX. Non lle parece denigrante, como presidente da Xunta, converter Galiza nunha colonia enerxética das multinacionais?”, interpelou Pontón ao xefe do Executivo.
A portavoz do Bloque recomendoulle ao presidente da Xunta que vaia a Madrid a defender os intereses do País e non a facer de servidor das eléctricas. “Eu teño moitas diferencias co señor Lambán, pero recoñézolle que polo menos vai a Madrid a defender que Aragón se beneficie da súa riqueza eólica para abaratar a factura da luz, xusto o contrario do que fai vostede”.
Hoxe hai 4.000 aeroxeneradores en 106 concellos e hai en tramitación 315, “o que implica que case non habería nin un só concello rural sen muíños de vento, por certo,
saben cantos muíños ten Madrid, a gran consumidora da electricidade que produce Galiza? Cero”, concluíu Pontón, insistindo en que a riqueza eólica “é unha gran oportunidade para o País e debe poñerse ao servizo dos galegos e das galegas cun modelo que pasa polo control público desa riqueza”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
