BURELA .- No pleno extraordinario celebrado no Concello, o equipo de goberno que forman o PSOE e o BNG aprobou cos seus votos o convenio colectivo do persoal municipal. O alcalde, Alfredo Llano, asegura que “se trata dun bó convenio, ainda que seguiremos avanzando e mellorando as condicións laborais”. O rexedor amosóuse sorprendido polo voto en contra do PP “cando na comisión informativa dixeron que no pleno se ían abster”.
Llano anuncia que “seguiremos a traballar nunha RPT (relación de postos de traballo) a partires do 1 de xaneiro de 2009 para empezar a aplicala o antes posible. Será un documento que servirá para recurrir a él como base á hora de elaborar un novo convenio colectivo”. O aprobado hoxe ten vixencia neste 2008 (con carácter retroactivo) e nos anos 2009 e 2010.
ÚLTIMA HORA
- A Escola Laranxa supera os 160 deportistas e impulsa xornadas abertas para Biberóns
- Xuntanza de senadores do PP de Lugo coa Asociación Española de Gardas Civís
- Olimpia López destaca en Trabada o apoio do Goberno aos novos agricultores co Programa Cultiva
- Cervo abre o prazo de inscrición para a nova tempada das Escolas Deportivas Municipais
- Xuntanza de senadores do PP de Lugo coa Asociación Española de Gardas Civís
Os senadores do PP por Lugo, José Manuel Barreiro, José Manuel Balseiro e Juan Serrano, xunto co portavoz de Interior do Grupo Parlamentario Popular no Senado, Luis Santamaría, mantiveron unha reunión no Senado con representantes da Asociación Española de Gardias Civís na provincia de Lugo, que lles trasladaron as principais reivindicacións do colectivo e analizaron os problemas e necesidades que afectan á Garda Civil na provincia. - A XIV Xuntanza Cantos de Taberna de Mondoñedo celebrarase este sábado na Praza do Concello
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624. - A IV Festa dos Ovos Rotos con Chourizo e a Feira de Artesanía de Ribeiras de Lea celebraranse o 12 de setembro en Castro de Rei, con apoio da Xunta
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos. - Alfonso Villares participa nos actos con motivo da Patroa de Ribadeo
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo. - O deputado de Medio Ambiente e alcalde da Fonsagrada, Carlos López López, participou no XXXIII Concurso de Gando Cabalar, Mular e Asnal, celebrado no Mercado Comarcal Gandeiro
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega. - Ata o venres 18 de setembro permanecerá cortado ao tráfico un treito da estrada provincial LU-P-2604 debido ao inicio dos traballos de fresado e posterior aglomerado e quente na vía, que comunica Xove con Valcarría
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
2021 Crónica 3 A Mariña - Implementado por GaliciaDigital