Cervo, 16 de decembro de 2022. O conselleiro de Sanidade, Julio Garcia Comesaña, visitou hoxe as instalacións da futura unidade residencial da Asociación Saúde Mental A Mariña. Na súa visita, o titular da carteira sanitaria do Executivo galego dixo que a Xunta vai destinar, no vindeiro ano, 9,1 millóns de euros a financiar prazas concertadas para pacientes con trastornos mentais, xa ben sexa en centros de rehabilitación psicosocial e laboral, pisos protexidos ou unidades residenciais.
Segundo sinalou Comesaña, no ano 2020 o orzamento para este fin era de 6,1 millóns, por conseguinte, coa aprobación do Plan de saúde mental da Xunta, “incrementáronse nun 50% estes fondos”. O obxectivo do Plan é chegar aos 9,5 millóns no 2024. Dende 2019, a Xunta aumentou o número de prazas concertadas en máis de 150 ata acadar, na actualidade, un total de 1.358.
Tal e como remarcou o conselleiro, quen estivo acompañado na visita polo delegado territorial da Xunta, Javier Arias, así como polo alcalde do concello de Cervo, Alfonso Villares, a Xunta concedeu unha axuda de 80.000 euros a Asociación Saúde Mental A Mariña, para a obra da súa nova residencia en Cervo, que vai estar especializada en trastorno mental severo. Trátase,- dixo Comesaña-, da axuda de maior contía das que concede a Xunta neste ano dentro dos investimentos de mellora de centros de pacientes con trastornos mentais. “Esta reforma contribuirá a que esta asociación siga ampliando as súas instalacións e prestando un servizo fundamental e dunha calidade excepcional”.
Esta asociación leva dende 1999 traballando a prol da saúde mental e coñece mellor que ninguén as necesidades e as problemáticas da Mariña nun ámbito tan sensible e importante como a da saúde mental, -sinalou Comesaña-. Destacou, tamén, que, nos orzamentos da Xunta para o vindeiro ano, as axudas para o financiamento de programas de entidades sociais relacionados con pacientes con trastornos mentais superan os 1,2 millóns de euros, o que supón un incremento do 20%.
Liñas de acción
Segundo incidiu o responsable da sanidade pública galega, todas estas medidas de apoio súmanse ás desenvoltas no propio ámbito do Sergas. Así, o Plan de saúde mental 2020-2024 da Xunta prevé a creación dun total de 241 prazas, estando xa contratados 125 profesionais.
Dende a creación do Plan, o Executivo galego incrementou o investimento anual en persoal de saúde mental do Sergas en máis de 10 millóns de euros. Como consecuencia, puxéronse en marcha novas unidades de saúde mental para adultos en distintos centros de saúde, ata acadar as 41 unidades. Así mesmo, creáronse unidades de prevención do suicidio, e neste ano haberá unha en cada área sanitaria, cando no 2020 so existía a de Ourense.
Para rematar a súa intervención, o conselleiro dixo que aínda queda moito camiño por recorrer “pero será da man das asociacións que colaboran coa Xunta para continuar na abordaxe desta responsabilidade colectiva que é o coidado da saúde mental, o que implica a todos por igual, administracións, profesionais, asociacións e sociedade civil”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
