A Deputada de Muller e Igualdade subliñou que o Plan “xorde como expresión, unha máis, do firme compromiso deste Goberno coa loita en prol da plena igualdade e dos dereitos das mulleres, que non vai parar nunca”
Lugo, 27 de decembro de 2022. A Corporación provincial aprobou por unanimidade no Pleno ordinario celebrado este martes o primeiro Plan de Igualdade de Oportunidades entre Mulleres e Homes na historia da Deputación de Lugo. O Goberno provincial, por iniciativa do Presidente, José Tomé Roca, marca así un fito no camiño cara a igualdade de xénero real e efectiva, sacando adiante co consenso de todas as forzas políticas e sindicais un instrumento de modernización da administración para seguir avanzando cara un sistema de xestión máis igualitario no ámbito laboral.
O mandatario provincial agradeceu a todas as persoas que fixeron posible a elaboración deste documento a súa implicación e traballo, como tamén o fixo durante a sesión plenaria desta mañá a Deputada de Muller e Igualdade, María Loureiro, quen explicou que se contemplan 7 eixos de actuación que abarcan todos os ámbitos, desde a selección de persoal á promoción, pasando pola política salarial, a ordenación do tempo de traballo e a conciliación.
María Loureiro puxo en valor que o Plan de Igualdade “é froito do diálogo e da cooperación”, pois os tres grupos da Corporación provincial acordaron nunha Xunta de Goberno sacar adiante o documento, elaborado no seo dun comité encargado de coordinar os traballos, formado polas deputadas de Réxime Interior, Promoción do Territorio e Turismo, Pilar García Porto, e de Muller e Igualdade, por persoal das áreas de Recursos Humanos e de Igualdade, e por representantes sindicais dos traballadores e traballadoras da institución.
Loureiro subliñou que o Plan de Igualdade “xorde como expresión, unha máis, do firme compromiso deste Goberno coa loita en prol da plena igualdade e dos dereitos das mulleres”, en tanto que é un instrumento “para avanzar na xestión igualitaria no eido laboral, que é un dos eixos fundamentais da nosa realización como persoas”.
Neste sentido, a Deputada asegurou que o Plan “non é un punto de chegada, senón de partida, en tanto que vai axudar a detectar situacións, vai poñer de manifesto as posibles propias carencias e recoller elementos de mellora de cara ao futuro”. “O compromiso da Deputación coa igualdade, que hoxe marca un punto de inflexión moi importante, non vai parar nunca”, recalcou.
Entre as materias que aborda o acordo, asinado polas catro organizacións sindicais representadas na Deputación, está o proceso de selección e contratación, a clasificación profesional, a formación, a comunicación e linguaxe non sexista, as condicións de traballo, o exercicio corresponsable dos dereitos da vida persoal, familiar e laboral, a baixa representación feminina e a prevención do acoso sexual ou por razón de sexo.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
