Ribadeo, 29 de decembro de 2022. O portal do Concello Ribadeo Emprego suma xa 313 demandantes e 58 ofertas publicadas, segundo deu a coñecer nesta xornada o concelleiro de Desenvolvemento Local, Pablo Vizoso.
O edil contou que “este portal de emprego municipal que a Área de Desenvolvemento Local puxo en marcha no mes de marzo deste ano recibiu unha boa acollida e presentou un incremento paulatino de persoas usuarias rexistradas e de ofertas de emprego publicadas”.
Vizoso Galdo subliñou que “a día de hoxe o número de ofertas de emprego difundidas a través da plataforma ascende a 58, a maioría para a municipio de Ribadeo, pero tamén para outras localidades da comarca da Mariña. Entre as ofertas publicadas destacan postos de condutores, de monitores de tempo libre, mozxs de carga e descarga, tamén hixienista dental, auxiliar de clínica, persoal para obras de restauración ambiental e persoal de limpeza”.
O concelleiro de Desenvolvemento Local fixo que “neste servizo de intermediación laboral, as empresas poden ofertar os seus postos de traballo de forma totalmente gratuíta e acceder aos perfís das persoas inscritas neles, facilitando así a selección de candidaturas”.
Pablo Vizoso explicou que “actualmente, a cifra de demandantes inscritos na plataforma elévase a 313. Os/as candidatos/as do Portal de Emprego poden postular ás ofertas de traballo publicadas que se adapten mellor ao seu obxectivo profesional e consultar as novas máis relevantes sobre formación e emprego”.
E engadiu que “as inscricións, tanto para demandantes como para empresas ofertantes, deben realizarse de forma online, a través da plataforma web: https://portalemprego.ribadeo.gal/. Para realizar calquera consulta sobre as altas ou funcionamento do Portal de Emprego, as persoas interesadas tamén poden dirixirse ao Servizo de Orientación Laboral do Concello”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
