Desde este mércores 18 de xaneiro ata o sábado 21 de xaneiro os produtos pesqueiros da lonxa de Burela serán os protagonistas en diferentes degustacións e presentacións que terán lugar en Madrid, aproveitando a Feira Internacional de Turismo de Fitur
Burela, 18 de xaneiro, 2023. A Organización de Produtores Pesqueiros do Porto de Burela e Armadores de Burela colaboran esta semana en Madrid en numerosos eventos gastronómicos, turísticos e pesqueiros, onde o “Peixe de Burela” será o protagonista para contribuír a promover o “turismo de experiencias de Ribadeo”, a variada “oferta gastronómica da provincia de Lugo”, a vindeira edición da “feira náutico-pesqueira Expomar” ou a importancia da “Feira do Bonito” entre as Festas Gastronómicas de Interese Turístico Nacional.
Dentro da programación da Feira Internacional de Turismo, Fitur 2023, o stand da Axencia de Turismo de Galicia acolle este mércores 18 a presentación dalgunhas das principais Festas Gastronómicas de Interese Turístico Nacional, como a Feira do Bonito de Burela. O bonito do norte de Burela será o protagonista dunha degustación gastronómica.
Pola súa banda, a Casa de Galicia de Madrid acolle diferentes ponencias de grande interese para a provincia de Lugo. Este mércores ás 19.30 horas, a Merluza D& Burela será a protagonista dunha degustación de produtos agroalimentarios e pesqueiros da Mariña Lucense, dentro da presentación “Experiencias en Ribadeo”.
Posteriormente, a partir das 20.30 horas, a APEHL (Asociación Provincial de Empresarios de Hostalería de Lugo) celebra no mesmo lugar unha cea-cóctel elaborada con produtos da provincia de Lugo, na que se celebrará unha “Brocheta de Pescada do Pincho de Burela sobre puré de pataca de Galicia con allada”.
A Casa de Galicia de Madrid tamén acollerá este xoves a presentación oficial da próxima Feira Expomar, que se celebrará na nave de redes do porto de Burela do 10 ao 13 de maio. Ao remate desta presentación, á que asistirán diferentes personalidades do sector pesqueiro e político galego e nacional, terá lugar unha degustación gastronómica de “Peixe de Burela” patrocinada pola Consellería do Mar da Xunta de Galicia en colaboración con Armadores de Burela e a OPP-7 Porto de Burela. Na mesa serán de novo os protagonistas o bonito do norte e a pescada do pincho, xunto coa cabala e o peixe espada, que representan ás principais frotas do porto de Burela.
E para rematar esta quenda de promoción gastronómica, o stand do Ministerio de Agricultura, Pesca e Alimentación acollerá o sábado ás 13.00 horas unha degustación especial de Merluza D& Burela no marco do evento “A que sabe o teu Destino? Sabe a Merluza”. A presentación está organizada pola Federación Nacional de Confrarías de Pescadores dentro da súa promoción dos Peixes e Mariscos de España.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
