NOTA DE PRENSA
GALA DE PRESENTACIÓ
N SEN RECOMPENSA GOLEADORA
O Burela FSF Pescados Rubén non puido dedicarlle o triunfo á bancada de Vista Alegre na súa presentación o venres pasado. As laranxas caeron ante o Cidade das Burgas, que levou a vitoria por 1-3, nun encontro de escasas ocasións e sen claro dominador, no que as visitantes se amosaron máis efectivas.
O gol temperán de Carmen propiciou que as ourensás se asentaran na pista ante un Burela que defensivamente estivo correcto pero que careceu de creatividade ofensiva. Vanessa estableceu o 0-2 ao aproveitar un balón solto na área e con este resultado chegouse ao descanso. Na continuación mantívose o guión inicial, aínda que as laranxas tiveron maior posesión do esférico. A pesar diso, foi o Cidade o que aumentou a súa vantaxe ao aproveitar unha contra que Vanessa finalizou con autoridade.
A seis minutos do final Javier Pardeiro utilizou a Dolo como porteira-xogadora, circunstancia que non lograron aproveitar as burelistas a pesar do perigo xerado. A acumulación de faltas por ambos os conxuntos propiciou un duelo de dobres penaltis nulo debido ao acerto das dúas porteiras. Nos instantes finais Ro logrou perforar a meta visitante para establecer o 1-3 final.
Os dous anteriores enfrontamentos entre ourensás e burelás foron para as da Mariña. En setembro de 2009, as pupilas de Javier Pardeiro alzáronse coa Copa Galicia, tras vencer na final ás Burgas (3-4). Hai uns días, na Semana Eypar de Melide, o cadro laranxa tamén se impuxo, por 2-1.
Ficha técnica
Burela FSF Pescados Rubén: Jozi, Ro, Claudia, Dolo e Lucía, no cinco inicial; tamén xogaron Lidia, Alba, Cuchi, Lara e Irene.
Cidade das Burgas: Antía, Lucía, Carmen, Iria e Vanessa, no cinco inicial; tamén xogaron Natalia, Laura, Sonia, María e Raquel.
Goles: 0-1, mínuto 1, Carmen; 0-2, mínuto 11, Vanessa; 0-3, mínuto 31, Vanessa; 1-3, mínuto 38, Ro.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
