Por quinta vez, o Pescados Rubén Burela FS alza a Supercopa de España Feminina, cuarta vez consecutiva
Burela, 29 de xaneiro, 2023. Rematou a fin de semana de Supercopa de España de Futsal Feminino que este ano 2023 se celebrou no pavillón Vista Alegre de Burela e por quinta vez, cuarta consecutiva, as Guerreiras Laranxas levárona tras dous partidazos nos que, unha vez máis, demostraron que son o mellor equipo do mundo en todos os sentidos. Esta vez xogaron a final, esta mañá de domingo ás 12.00 horas, co pavillón cheo, máis de 1000 espectadores, contra o MSC Torreblanca FS, que demostrou tamén a súa calidade e ambición ao longo de todo o campionato, cunha Bía e unha Amandhinha que cada partido destacan e ofrécennos un espectáculo digno de gozar xunto ao resto do seu equipo. Pero maior foi o espectáculo que ofreceron as cracks de Julio Delgado, que foron superiores esta mañá ante o Torreblanca, do mesmo xeito que o foron na semifinal contra o seu gran rival, o Futsi Atlético Navalcarnero.
Comeza o encontro e Dany ten a súa primeira gran oportunidade no minuto 2 de xogo. Pouco despois, no minuto 3, tras unha parede entre Antía e Cilene, a primeira anota o primeiro gol do encontro. O Burela domina o xogo e tras varias oportunidades máis, de Cilene e posteriormente de Emilly, ambas frustradas pola porteira Sara Soares no minuto 9 e outra destacable no 10, tras unha moi boa xogada de Dany e Cilene que vai ao pau e logo detén a porteira o remate de Antía. Tras o primeiro tempo morto no mesmo minuto, Dany anota o segundo gol no minuto 12 tras un xiro. Tras unha falta de Antía, Nerea vese obrigada a abandonar a pista con molestias preocupantes na perna, esperamos que sexa menos do que pareceu. No minuto 16 Peque anota o 3-0 cun golazo tras un pase de Emilly dende media pista. A continuación dúas oportunidades boas do Torreblanca, unha de Juliana no minuto 16 que se vai por encima do traveseiro e outra de Amandhinha no 17 que para a nosa porteiraza Caridade. Antes do descanso Emilly tira unha falta perigosa que se vai fóra e o Torreblanca presiona con porteiro-xogador na última xogada.
Na segunda parte sae Jozi á pista por Caridade e o Torreblanca continúa co xogo de 5 tendo varias oportunidades, entre elas Jozi fai unha dobre parada destacable que evita o primeiro gol do equipo de Melilla. En o minuto 28 o Burela FS volve lanzar unha falta perigosa que vai fóra e tras un tempo morto no minuto 30 Thais anota 3-1 xogando en superioridade. Continúan co 4 para 5 e o Torreblanca continúa buscando e tendo oportunidades ante a boa defensa laranxa, pero no minuto 31 Emilly mete o 4-1 cun golazo que se coa entre as pernas da porteira rival. No 36 unha oportunidade destacable de Irene Samper que dá no pau e a pesar da presión do xogo de 5 por parte do Torreblanca non conseguen cambiar o resultado, quedando 4-1 ata o final do encontro e proclamando CAMPIOAS, unha vez máis, ás Raíñas Laranxas de Julio Delgado.
Ficha Técnica
Pescados Rubén Burela FS: Caridad (P), Dany, Cilene, Antía, Emilly – cinco inicial- Peque (C), Jeny, Irene Samper, Patricia, Jozi de Oliveira (P)
MSC Torreblanca FS: Sara Soares (P), Lydia, Amandhinha, Juliana, Bia – cinco inicial-, Vicky, Jhennif, Nerea, Nega, Shulha, Thais, Ana Cunha, Vika, Patri (P)
Goles: Min.3 Antía 1-0; min.12 Dany 2-0; min.16 Peque 3-0; min.30 Thais 3-1; min.31 Emilly 4-1.
Equipo Arbitral: Sergio Sánchez Llrente, Lucía Gómez Rojo, Fernando Faubell Zaldivar, Noelia Gutiérrez Muñoz.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
