Castiñeira lembra que, pola non redución do IVE, “moita xente, lamentablemente, está prescindido de produtos cárnicos e pesqueiros na súa bolsa da compra, o que nos prexudica dobremente, como veciños desta provincia e como consumidores”
Lugo, 30 de xaneiro de 2023. Unha vez máis, o PP ten que intentar corrixir decisións do Goberno presidido polo socialista Pedro Sánchez que afectan de maneira grave, moi negativamente, aos intereses da provincia. Nesta ocasión, os populares, como adianta o seu portavoz, Javier Castiñeira, tratarán de que o pleno da Deputación acorde mañá instar ao Goberno a incluír a carne e o peixe dentro dos produtos básicos con IVE reducido.
Castiñeira sinala: “Parece ser que o Partido Socialista non ten claro que o sector primario é fundamental na nosa provincia. O Goberno deixou fóra da redución do IVE dos produtos básicos a carne e o peixe, a pesar de que na provincia de Lugo temos produtos pesqueiros e cárnicos de recoñecido prestixio. Son dúas industrias, a pesqueira e a da carne, que xeran moito valor económico na nosa provincia e moitos empregos”.
A exclusión da carne da redución do IVE “está prexudicando claramente os intereses da provincia”, segundo Castiñeira. Sinala: “Por iso, o grupo do Partido Popular levará unha moción ao pleno de mañá da Deputación, pedindo ao Goberno de España que rectifique as súas medidas e que inclúa nesa redución do IVE produtos tan importantes como son a carne e o peixe; son importantes para a provincia e son importantes para a dieta dos lucenses”.
Os populares destacan que “coa alza de prezos que se veu dando nestes últimos anos, moita xente, lamentablemente, está prescindido de produtos cárnicos e pesqueiros na súa bolsa da compra, o que nos prexudica dobremente, como veciños desta provincia e como consumidores”.
O portavoz popular espera “que o PSOE de Lugo non faga como sempre e que, nesta ocasión, opte por protexer os intereses da provincia e non os intereses dun señor, o señor Sánchez, que por seguir na Moncloa, e, moi probablemente, por seguir escoitando preceptos ideolóxicos que lle establece Podemos, está prexudicando seriamente á nosa provincia”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
