O prato forte será o venres 24 co desfile no que se repartirán 1000 euros en premios e a posterior cea e festa de entroido.
Barreiros, 10 de febreiro de 2023. O Concello de Barreiros organiza para este Entroido unha semana de actividades para todas as idades. Na presente edición colaborarán co Concello na organización a comisión de festas do San Bartolo e as comparsas Os Macanudos e Habelas Hainas recuperando a cea e a festa no pavillón municipal, que fora adiada por mor da pandemia os anos anteriores.
No desfile, que terá lugar na noite do 24 de febreiro, repartiranse 1000 euros en premios entre as distintas categorías do desfile que serán entregados durante a festa posterior no pavillón.
Actividades infantís previas ao desfile
As crianzas poderán gozar neta ocasión de dúas actividades diferentes. O domingo 19, ás 18h, será a festa infantil de disfraces no centro social con xogos, música e a visita dos cabezudos. O mércores 22 será a quenda do obradoiro de disfraces, para o cal será preciso anotarse previamente.
A festa de entroido celebrarase no pavillón municipal
A continuación do desfile, na noite do venres 24, volverá a ter lugar a cea e festa do entroido, cuxa recadación será a prol das asociacións colaboradoras do entroido 2023. O prezo da cea (servida por Chao da Brea) será de 25 euros e incluirá callos e costela como pratos principais, con opción de menú infantil por 15 euros.
Os puntos de venda das entradas para a cea son o restaurante Asador, a cafetería do Centro Social, o Concello ou nos teléfonos 669958271-698192121-609575536. A festa estará amenizada por Eventec e a entrada será libre.
Programación:
Domingo 19. 18 horas.
Festa infantil de disfraces (amenizada por Puzzle Animación)
Centro sociocultural de San Cosme
Mércores 22. 10:30 horas
Obradoiro de disfraces
Centro sociocultural de San Cosme
Venres 24. 21 horas
Desfile – Saída praza do concello
Cea de entroido (A continuación do desfile) – pavillón municipal
Festa amenizada por Eventec – pavillón municipal (entrada libre)
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
