Esta xuntanza terá lugar en próximos días e nela Galicia trazará unha folla de ruta de defensa da frota galega ante estas restricións desproporcionadas que desatenden a realidade marítimo-pesqueira
Santiago de Compostela, 24 de febreiro de 2023. A Xunta reunirá ao Consello Galego de Pesca en próximos días para analizar polo miúdo co sector pesqueiro o ditame encargado polo Goberno galego á Fundación MarInnleg sobre o paquete de políticas marítimas presentado esta semana pola Comisión Europea e que inclúe o veto á pesca de arrastre nun terzo das augas dos Estados membro no 2024 e en todas as áreas mariñas protexidas da UE -un 30% das augas comunitarias- en 2030.
O director xeral de Pesca, Acuicultura e Innovación Tecnolóxica, Antonio Basanta, manifestou hoxe que este paquete de medidas de Bruxelas ten un calado medioambientalista inadmisible, desequilibrado e incoherente e supón un atentado para a xente do mar pois obvia os aspectos socioeconómicos e fai perigar o seu futuro. Nesta liña, a reunión do Consello Galego de Pesca tamén servirá para trazar unha folla de ruta de defensa da frota galega ante estas decisións desproporcionadas que desatenden a realidade marítimo-pesqueira.
Así o sinalou no marco do II Congreso Súmate ao cambio sustentable, organizado por Empresarias y Directivas del Atlántico (EDA) e no que o director xeral interveu no panel IV, titulado Cara a un Atlántico máis sustentable. Alí Antonio Basanta tamén fixo fincapé en que o Goberno galego seguirá reclamando xustiza para a frota que está a pasar momentos de dificultade debido a este tipo de prohibicións establecidas pola Comisión Europea.
Neste sentido, o representante da Consellería do Mar sinalou que o Executivo autonómico reforzará o traballo na vía diplomática e na xudicial e continuará defendendo á frota e apoiando ao Goberno central no camiño indicado desde Galicia.
Estas restricións á pesca de arrastre sumaranse ao veto actual á pesca de fondo decretado por Bruxelas en 87 áreas de augas comunitarias e que foi recorrido ante o Tribunal Superior de Xustiza da Unión Europea polo Goberno central e a Organización de Produtores Pesqueiros de Burela (OPP-7).
Neste último recurso a Xunta presentarase como parte coadxuvante e avanza na estratexia de defensa dos intereses do sector ante esta prohibición. De feito, esta semana Antonio Basanta abordou con representantes da Organización de Produtores Pesqueiros de Burela (OPP-7) e do bufete de avogados J&A Garrigues distintas cuestións vitais para dar solidez ao recurso. Este bufete conta con xuristas especializados en dereito comunitario e coñecedores da materia e a Consellería do Mar recorreu a el para apuntalar a estratexia galega e obter os mellores resultados posibles.
En relación coa avaliación sobre a PCP que inclúe o paquete de políticas marítimas de Bruxelas, o director xeral destacou a carencia de autocrítica e de solucións a cuestións como os descartes de pesca. A maiores salientou que Bruxelas tampouco propón medidas na estratexia para a transición enerxética do sector pesqueiro. Isto debe facerse, indicou, de xeito equilibrado, asumible para a frota e con apoios económicos da Comisión Europea para dispoñer de buques adaptados.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
