O delegado supervisa o impacto do Plan de Recuperación e avanza unha nova convocatoria de 40M€ para proxectos empresariais ligados á transición verde
Vilalba, 28 de febreiro de 2023. O delegado do Goberno en Galicia, José Miñones, reivindicou esta mañá en Vilalba o compromiso do Goberno de Pedro Sánchez cos concellos de Galicia que están inmersos no proceso de transición xusta e resaltou que os investimentos estatais acadan actualmente preto de sete millóns de euros neste municipio de Lugo. O delegado felicitou a alcaldesa, Elba Veleiro, pola consecución dunha axuda de preto de medio millón de euros (499.605,93€) para financiar infraestruturas ambientais, sociais e dixitais, que inclúe o arbolado urbano, na última convocatoria resolta polo Instituto para a Transición Xusta, dependente do Ministerio para a Transición Ecolóxica e o Reto Demográfico. José Miñones trasladoulle tamén á rexedora a oportunidade da vindeira convocatoria de 40 millóns de euros que o Goberno abrirá para proxectos empresariais enfocados a xerar emprego verde e de calidade en zonas afectadas polo peche de centrais térmicas.
Durante a súa visita, José Miñones supervisou en Vilalba o impacto das axudas do Plan de Recuperación acompañado pola subdelegada en Lugo, Isabel Rodríguez. O delegado reafirmou o compromiso municipalista do Goberno e a súa acción para atender o reto demográfico.
Vilaba é un dos 19 os concellos galegos incluídos nos protocolos de transición xusta, por estaren afectados polos procesos de peche de centrais térmicas (As Pontes e Meirama). O Instituto para a Transición Xusta vén de conceder 12,4 millóns de euros para impulsar 17 proxectos nestes municipios. José Miñones recalcou que esta acción na mellora de infraestructuras ambientais, sociais e dixitais, dentro do Plan de Recuperación, Transformación e Resiliencia.
O delegado incidiu tamén nos 111 millóns de euros que o Goberno transfire á Xunta de Galicia para financiar grandes proxectos empresariais igualmente enfocados ao proceso de transición xusta.
Sete millóns de euros de investimentos do Goberno en Vilalba
Respecto ao investimentos no Concello de Vilalba, ademáis dos preto de 500.000 euros do Instituto para a Transición Xusta, José Miñones destacou a importancia que ten para a veciñanza a mellora da conectividade, coa achega da fibra óptica a 4.200 vivendas e empresas vivendas e fogares do municipio grazas ao Plan ÚNICO-Banda Ancha, valorada en 1,1 millóns de euros. Tamén, o aforro que suporá para o Consistorio a mellora da eficiencia do alumeado público, con tres axudas por máis de 400.000 euros do Instituto para a Diversificación e Aforro da Enerxía (IDAE), do Ministerio para a Transición Ecolóxica.
A estes investimentos súmanse os 900.000 euros do Ministerio de Transportes, Mobilidade e Axenda Urbana que permiten rehabilitar a Casa Consistorial de Vilalba de xeito sostible, reducindo nun 80% o consumo de enerxía, no marco do Programa de Impulso á Rehabilitación dos Edificios Públicos (PIREP).
Dentro da aposta pola sostibilidade, neste caso no eido turístico, resaltou o investimento de 1,1 millóns de euros para a reforma do Parador de Vilalba. O Estado achega tamén 2,8 millóns de euros dentro do convenio coa Confederación Miño-Sil para mellorar o saneamento e a EDAR de Vilalba. “O Goberno é a administración que máis está a investir nos concellos de Galicia”, constatou o delegado.
José Miñones reivindicou a transición coma un necesario cambio de paradigma, para impulsar o emprego verde e de calidade. “Impulsamos proxectos que mellorarán a calidade de vida da cidadanía destes municipios, mellorando servizos sociais, culturais e de emprendemento, e contribuíndo á mellora ambiental de zonas verdes e urbanas de distintas localidades”, destacou o delegado.
“Estamos apuntalando a revolución verde en Galicia e dando oportunidades reais de desenvolvemento e de emprego aos concellos que afrontan o cese de actividade das centrais térmicas”, manifestou o delegado.
O delegado lembrou que o Goberno puxo en marcha o pasado verán unha Oficina de Transición Xusta no centro de empresas Seara, nas Pontes, e que está xestionada por técnicos da empresa pública Tragsa. Esta oficina está a disposición dos 19 concellos con convenios de transición para perfilar as súas candidaturas e captar os máximos fondos posibles das distintas liñas de axudas e de apoio ao investimento produtivo nestes territorios.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
