Ribadeo, 8 de marzo, 2023. É un feito que, namentres siga a haber violencia machista, non haberá igualdade efectiva para as mulleres. É un feito que, namentres non se visibilice en todos os eidos o papel desempeñado pola muller traballadora e non melloren as súas condicións laborais, non acadaremos a igualdade plena entre homes e mulleres. Por iso insistimos na necesidade de rematar coa fenda salarial. Desde o mundo do ensino debemos continuar con políticas que erradiquen prexuízos e fomenten a cultura da igualdade efectiva entre homes e mulleres. E as políticas de igualdade deben ser implementadas tanto na práctica médica (contemplando as especificidades da saúde feminina, moitas veces abandonada por prexuízos ou por cuestión de aforro), como no mundo da xustiza.
Pero todas as medidas que se poidan tomar para favorecer a igualdade real entre homes e mulleres deben ser sostidas ao longo de todo o ano, non centrarse nunha celebración máis ou menos protocolaria nun día singular. Debemos comprometernos coa defensa das mulleres desenvolvendo políticas feministas os 365 días do ano. Por suposto que debemos celebrar o 8M e amosarmos con orgullo a nosa actitude reivindicativa e de concienciación, pero cómpre que desenvolvamos ditas reivindicacións e apliquemos as consecuentes políticas feministas aló onde teñamos responsabilidades de goberno. E o BNG de Ribadeo ten demostrado ao longo de todos estes anos a súa capacidade de implementación de medidas políticas e de goberno na defensa das mulleres.
Nesta loita por unha igualdade plena e efectiva, o labor de concienciación, tanto na escola como no día a día, entre xente nova e adultos, é fundamental. Nas persoas de máis idade para superarmos vellos prexuízos dos que ás veces nin nos decatamos. Entre a xente máis nova, para evitarmos que certas dinámicas de uso das redes sociais poidan derivar cara a actitudes machistas que xa considerabamos superadas. Ten que implicar a homes e mulleres, pois o prexuízo machista propio da sociedade patriarcal tanto pode afectar a uns como a outras. Temos que loitar día a día contra ese feixe de micromachismos que poden chegar a aniñar en nós se non prestamos atención ás mensaxes que rezuman esa visión tradicional da sociedade a través da publicidade, o cine, a televisión, a música ou os videoxogos.
Co obxectivo de seguir visibilizando o papel desempeñado polas mulleres ao longo da nosa historia, este ano acordamos chamar a atención dos e das viandantes cada vez que paren ante un paso de peóns para atravesar a rúa: desde a Concellaría de Igualdade pintáronse 38 pasos de peóns homenaxeando mulleres pioneiras que fixeron historia polas súas iniciativas nos seus respectivos ámbitos profesionais. Mulleres como Manuela Barreiro, Luz Pozo Garza e Concepción Arenal; ou Rosalía de Castro, Maruxa Mallo, Ernestina Mansilla Jiménez Amadora Suárez Couto ou Corona González, todas elas romperon cos estereotipos establecidos pola cultura patriarcal abrindo novos espazos para as seguintes xeracións de mulleres.
Pero tamén pensamos nas mulleres de agora, nas novas e nas que xa gozan do seu merecido descanso despois de tantos anos de traballo non sempre recoñecido. Por iso preparamos actividades como o obradoiro de biodanza “Movéndonos cara o bo trato”, a música de Leilía ou a poesía de Olga Novo.
E para renovarmos o compromiso, para xerarmos novos folgos nesta loita continua ao longo de todo o ano, animamos a toda a poboación de Ribadeo e a veciñanza que poida achegarse até a nosa vila o 8 de Marzo, a participar na mobilización que convoca o Observatorio da Mariña pola Igualdade así como os colectivos Comisión de igualdade do CIFP Porta da Auga, Comisión de igualdade do IES Dionisio Gamallo, Confederación Intersindical Galega, Meigas Bravas, Movemento Galego pola Defensa das Pensións e os Servizos Públicos, Programa de Lecer e Revitalización no Rural do Concello de Ribadeo, Sindicato Labrego Galego e Vacas Fracas.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
